ବଲାଙ୍ଗୀର: ଘରୋଇ ନର୍ସିଂହୋମ୍ରେ ପ୍ରସୂତି ମହିଳାଙ୍କ ମୃତ୍ୟୁକୁ ନେଇ ଉତ୍ତେଜନା । ବଲାଙ୍ଗୀର ଏକ ଘରୋଇ ନର୍ସିଂହୋମ୍ରେ ଜଣେ ପ୍ରସୂତି ମହିଳାଙ୍କ ମୃତ୍ୟୁକୁ ନେଇ ସୃଷ୍ଟି ହୋଇଛି ଉତ୍ତେଜନା। ବଲାଙ୍ଗୀର ପୋଲିସ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବାର ଦୀର୍ଘ ସମୟ ପରେ ମାମଲା ଶାନ୍ତ ହୋଇଥିଲା।
ଘରୋଇ ନର୍ସିଂହୋମ୍ରେ ପ୍ରସୂତି ମହିଳାଙ୍କ ମୃତ୍ୟୁକୁ ନେଇ ଉତ୍ତେଜନା
ଅଭିଯୋଗ ଅନୁସାରେ ବଲାଙ୍ଗୀର ସଇଁତଳା ବ୍ଲକ୍ର ଜଣେ ଗର୍ଭବତୀ ମହିଳା ଅଞ୍ଜୁ ବାଗଙ୍କୁ ପ୍ରସୂତି ପାଇଁ ବଲାଙ୍ଗୀର ସମଲେଶ୍ଵରୀ ନର୍ସିଂହୋମ୍ରେ ଭର୍ତ୍ତି କରିଥିଲେ ପରିବାର ଲୋକେ। ତେବେ ଏଠି ତାଙ୍କର ସର୍ଜରୀ ହୋଇଥିବା ବେଳେ ଗୋଟିଏ ଶିଶୁ ପୁତ୍ର ଜନ୍ମ ହୋଇଥିଲା । ହେଲେ ମା'ଙ୍କ ଅବସ୍ଥା କିନ୍ତୁ ବିଗିଡିବାରୁ ତାଙ୍କୁ ବୁର୍ଲା ସ୍ଥାନାନ୍ତରିତ କରାଯାଇଥିଲା। ଏବଂ ସେଠି ଚିକିତ୍ସାଧୀନ ଅବସ୍ଥାରେ ମହିଳାଙ୍କ ମୃତ୍ୟୁ ହୋଇଥିଲା।