ବଲାଙ୍ଗୀର: ରାଜ୍ୟରେ ବଢିବାରେ ଲାଗିଛି କୋରୋନା କାୟା । ହେଲେ ବଲାଙ୍ଗୀରରେ ସଠିକ ଭାବେ କୋରୋନା ପରିଚାଳନା ହେଉ ନଥିବା ଅଭିଯୋଗ ହୋଇଛି । ଯାହାକୁ ନେଇ ବିଭିନ୍ନ ସଂଗଠନ ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରାଯାଇଛି ।
ଜିଲ୍ଲା ପ୍ରଶାସନର ବିଫଳତା ଯୋଗୁଁ କୋରୋନାରେ ଅନେକ ଜୀବନ ଯାଉଥିବା ଅଭିଯୋଗ ହୋଇଛି । ଜିଲ୍ଲାରେ ଏଯାଏଁ ଅଭିଜ୍ଞ ଡାକ୍ତର ଓ ଉତ୍ତମ ସ୍ବାସ୍ଥ୍ୟସେବା ବ୍ୟବସ୍ଥାର ଘୋର ଅଭାବ ରହିଛି। ଯାହାଫଳରେ କୋରୋନା ପରିସ୍ଥିତି ଗମ୍ଭୀର ହେଉଛି। ଫଳରେ ବଲାଙ୍ଗୀର ସହରର ବିଭିନ୍ନ ସଙ୍ଗଠନ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିବା ସହିତ ଏଦିଗରେ ଉଚିତ ପଦକ୍ଷେପ ନେବାକୁ ଦାବି କରିଛି ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ