ବଲାଙ୍ଗୀର: ଲକଡାଉନ ସତ୍ତ୍ବେ ଚାଲିଛି ଦେଶୀ ମଦ ରନ୍ଧା ଓ ବ୍ୟବସାୟ । ଖବର ପାଇ ପୋଲିସ ଚଢାଉ କରି ତିନି ଜଣଙ୍କୁ ଗିରଫ କରିଛି । ଘଟଣାଟି ହେଉଛି ବଲାଙ୍ଗୀର ଜିଲ୍ଲା ସଇଁତଳା ଅଞ୍ଚଳର । ସମ୍ପୃକ୍ତ ଅଞ୍ଚଳରେ କେତେକ ଅସାଧୁ ଲୋକ ଜଙ୍ଗଲ ମଧ୍ୟରେ ମଦ ତିଆରି କରି ବିକ୍ରି କରୁଥିବାର ଅଭିଯୋଗ ହୋଇଥିଲା । ସୂଚନା ପାଇ ସଇଁତଳା ପୋଲିସ ଜଙ୍ଗଲରେ ଚଢାଉ କରିଥିଲା ।
ଜଙ୍ଗଲରେ ଦେଶୀ ମଦ ପ୍ରସ୍ତୁତି: 3 ଗିରଫ, 45 ଲିଟର ଦେଶୀ ମଦ ଜବତ ସୂଚନା ଅନୁଯାୟୀ ଟିଟିଲାଗଡ ଏସଡିପିଓ ଓ ସଇଁନ୍ତଳା ପୋଲିସ ମିଳିତ ଭାବେ ନିକଟସ୍ଥ ତାଳବାହାଲ ଜଙ୍ଗଲରେ ଚଢାଉ କରିଥିଲେ । ଚଢାଉରେ ମହୁଲରୁ ଦେଶୀ ମଦ ପ୍ରସ୍ତୁତ କରୁଥିବା ବେଳେ ପୋଲିସ 3 ଜଣଙ୍କୁ ଗିରଫ କରିଛି । ଏଥିସହ ସେମାନଙ୍କ ପାଖରୁ ପୋଲିସ 24 ବସ୍ତା ମହୁଲ ପୋଚ, 45 ଲିଟର ଦେଶୀ ରନ୍ଧା ମଦ ସହ ଦୁଇଟି ବାଇକ ଜବତ କରିଛି । ତେବେ ସୋମବାର ଗିରଫ 3 ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ପୋଲିସ ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
