ବଲାଙ୍ଗୀର:ମମିତା ମେହେର ହତ୍ୟା ମାମଲାରେ ଆଜି ବଲାଙ୍ଗୀର ଆସିଛନ୍ତି କଂଗ୍ରେସର କେନ୍ଦ୍ରୀୟ ଟିମ୍ । ସେମାନେ ପୀଡିତାଙ୍କ ଗାଁରେ ପହଞ୍ଚି ତାଙ୍କ ପରିବାର ସହ ସାକ୍ଷାତ କରିଛନ୍ତି । ସାକ୍ଷାତକାର ଅବସରରେ ଦଳ ପରିବାରକୁ ସାନ୍ତ୍ବନା ଦେବା ସଙ୍ଗେ ସଙ୍ଗେ ଓଡିଶା ସରକାରଙ୍କୁ କଡା ସମାଲୋଚନା କରିଛି ।
ମମିତାଙ୍କ ଦୋଷୀଙ୍କୁ ଫାଶୀ ଦାବି କଲା କଂଗ୍ରେସ କେନ୍ଦ୍ରୀୟ ଟିମ୍
ଆଜି କଂଗ୍ରେସ ତିନି ଜଣିଆ ଟିମ୍ ପୂର୍ବାହ୍ନ ୧୧.୧୫ ମିନିଟରେ କଣ୍ଟାବାଞ୍ଜି ରେଲୱେ ଫୁଟବଲ ପଡିଆରେ ଏକ ସ୍ଵତନ୍ତ୍ର ହେଲିକପ୍ଟରରେ ଓହ୍ଲାଇବା ପରେ ସିଧା ପୀଡ଼ିତାଙ୍କ ଗାଁ ଝରଣିକୁ ଆସିଥିଲେ । ଗାଁରେ ଏକ ରାଲିରେ ବାହାରି ପରିବାର ଲୋକଙ୍କୁ ଭେଟି ସମବେଦନା ଜଣାଇଥିଲେ । ମଧ୍ୟାହ୍ନ ୧୨ ରୁ ୧୨.୩୦ ଯାଏଁ ଅଧଘଣ୍ଟା ସମୟ ଧରି ପରିବାର ସହ ଆଲୋଚନା କରିଥିଲା କଂଗ୍ରେସ ଟିମ୍ । ତେବେ ପୀଡ଼ିତା ପରିବାରକୁ ଭେଟିବା ପରେ ଦେଶରେ ନିର୍ଭୟା ଓ ୟୁପିର ଲଖିମପୁର ଘଟଣା ଭଳି ଓଡ଼ିଶାରେ ମଧ୍ୟ ସରକାର ମନ୍ତ୍ରୀଙ୍କୁ ସୁରକ୍ଷା ଦେଇଥିବା କହିଛନ୍ତି କଂଗ୍ରେସ କେନ୍ଦ୍ରୀୟ ଦଳ ।