ବଲାଙ୍ଗୀର: ଗୋଷ୍ଠୀ ସଂଘର୍ଷକୁ ନେଇ ଦୁଇଜଣଙ୍କୁ ହତ୍ୟା ପରେ ସମ୍ପୃକ୍ତ ଗାଁରେ ଭୟର ବାତାବରଣ ଖେଳିଯାଇଛି । ଲୋକଙ୍କ ସୁରକ୍ଷା ପାଇଁ ଗାଁରେ ବ୍ୟାପକ ପୋଲିସ ମୁତୟନ ଅଛନ୍ତି । ମାମଲାରେ ସମ୍ପୃକ୍ତ 5 ଜଣଙ୍କୁ ଥାନାରେ ଅଟକ ରଖାଯାଇ ଥିବାବେଳେ ଏଯାଏଁ କେହି ଗିରଫ ହୋଇନଥିବା ଜଣାପଡିଛି ।
ବଲାଙ୍ଗୀର ଗୋଷ୍ଠୀ ସଂଘର୍ଷରେ 2 ମୃତ, ପୋଲିସ ଫୋର୍ସ ମୁତୟନ
ସୂଚନା ଅନୁଯାୟୀ ଶନିବାର ସନ୍ଧ୍ୟାରେ ବଲାଙ୍ଗୀର ଜିଲ୍ଲା ଜରସିଙ୍ଗା ଗ୍ରାମର ଧନାମତ ରାଉତ ପୂର୍ବ ଶତ୍ରୁତାକୁ କେନ୍ଦ୍ର କରି ହରିଜନ ପଡାର କର୍ଣ୍ଣ ସୁନା ଏବଂ ଶ୍ରୀପତି ବେଶ୍ରୀଆଙ୍କୁ ଟାଙ୍ଗିଆରେ ଆକ୍ରମଣ କରିଥିଲେ । ଚିକିତ୍ସାଧୀନ ଅବସ୍ଥାରେ ଶ୍ରୀପତିଙ୍କ ମୃତ୍ୟୁ ଘଟିବା ପରେ ଅନ୍ୟ ଗୋଷ୍ଠୀର ଅର୍ଥାତ ହରିଜନ ପଡାର ଶତାଧିକ ଲୋକେ ଧନମତ ରାଉତଙ୍କ ଘରକୁ ଯାଇ ଆକ୍ରମଣ କରିଥିଲେ । ଏଥିରେ ଧନମତଙ୍କର ମୃତ୍ୟୁ ହୋଇଛି । ଅନୟପଟେ ଆକ୍ରମଣରେ ଦୁଇ ଜଣ ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।