ବଲାଙ୍ଗୀର: ଚାଷୀଙ୍କ ଫସଲ ବୀମା ପ୍ରାପ୍ୟକୁ ନେଇ ଗର୍ଜିଲା ବିଜେଡି । କେନ୍ଦ୍ର ସରକାରଙ୍କ ଭୁଲ ନୀତି ଓ ଅବହେଳା ଯୋଗୁଁ ଓଡ଼ିଶାର ଚାଷୀ ହଇରାଣ ହେଉଥିବାର ଅଭିଯୋଗ କରିଲା ବିଜେଡି । ଏନେଇ ବଲାଙ୍ଗୀରରେ ଜିଲ୍ଲା ବିଜେଡି ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରାଯାଇଛି । ଓଡିଶା ଚାଷୀଙ୍କୁ ଅବହେଳା । ଫସଲ ବୀମା ପ୍ରାପ୍ୟ ଦେବାରେ ଟାଳଟୁଳ ନୀତି କେନ୍ଦ୍ର ସରକାର ଅବଲମ୍ବନ କରୁଥିବା ଅଭିଯୋଗରେ ରାସ୍ତାରେ ଗର୍ଜିଲା ବିଜେଡି । ଘେରାଉ ସମୟରେ ଜିଲ୍ଲାର ସବୁ ପ୍ରାନ୍ତରୁ ଶତାଧିକ ବିଜେଡି କର୍ମୀ ଓ ନେତା ସାମିଲ ହୋଇଥିଲେ ।
ଏହା ମଧ୍ୟ ପଢନ୍ତୁ: Dhamnagar By poll: ଭିସିରେ ଭୋଟ ମାଗିଲେ ନବୀନ, କହିଲେ 18ମାସରେ ହେବ 5ବର୍ଷର କାମ
କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ ଫସଲ ବୀମା ଯୋଜନାକୁ ଓଡିଶା ସଫଳ ଭାବରେ ପ୍ରଣୟନ କରିଥିଲେ । ଏପରିକି ଆରମ୍ଭରୁ ବୀମା ପ୍ରିମୀୟମ 2016ରେ 7 ଦଶମିକ 40 ପ୍ରତିଶତ ଥିବାବେଳେ ପରବର୍ତ୍ତୀ ସମୟରେ ଏହି ବୀମା ପ୍ରିମୀୟମକୁ ସରକାର 12 ଦଶମିକ 15 ପ୍ରତିଶତକୁ ବୃଦ୍ଧି କରିଥିଲେ । ଏହା ସତ୍ତ୍ୱେ ମଧ୍ୟ ଓଡ଼ିଶାର ଚାଷୀ ବହୁ ମାତ୍ରାରେ ଫସଲ ବୀମା କରିଥିଲେ । ହେଲେ 2018ରେ 17 ଦଶମିକ 96 ଲକ୍ଷ ଚାଷୀ ଫସଲ ବୀମା କରିଥିବାବେଳେ କେନ୍ଦ୍ର ସରକାରଙ୍କ ଅବହେଳା ଯୋଗୁଁ ଏହି ସଂଖ୍ୟା ଖସି ଆସି 11 ଲକ୍ଷରେ ପହଞ୍ଚିଛି ।