କଥା ମାନିଲାନି ଶିଶୁ, ନିର୍ଦ୍ଧୁମ ଛେଚିଲେ ବାପା ମାଆ

କଥା ନମାନିବାରୁ ନିର୍ଦ୍ଧୁମ ମାଡ ମାରି ଲହୁଲୁହାଣ କଲେ ବାପା ମାଆ । ଏଭଳି ଅଭିଯୋଗ ଆସିଛି ବଲାଙ୍ଗୀର କଣ୍ଟାବାଞ୍ଜି ଧୋବା ପଡ଼ାରୁ । ଅଧିକ ପଢନ୍ତୁ

ବଲାଙ୍ଗୀର : ଜନ୍ମ କଲା ଶିଶୁକୁ ବାପା ମାଆଙ୍କ ଅକଥନୀୟ ଅତ୍ୟାଚାର । କଥା ନମାନିବାରୁ ନିର୍ଦ୍ଧୁମ ମାଡ ମାରି ଲହୁଲୁହାଣ କଲେ ବାପା ମାଆ । ଏଭଳି ଅଭିଯୋଗ ଆସିଛି ବଲାଙ୍ଗୀର କଣ୍ଟାବାଞ୍ଜି ଧୋବା ପଡ଼ାରୁ । ଗୁରୁତର ଅବସ୍ଥାରେ ଶିଶୁଟିକୁ ବଲାଙ୍ଗୀର ଭୀମ ଭୋଇ ମେଡିକାଲରେ ଭର୍ତ୍ତି କରାଯାଇଛି ।

ବଲାଙ୍ଗୀର କଣ୍ଟାବାଞ୍ଜି ଧୋବା ପଡ଼ାର ମଧୁ ସେଠ୍ ଓ ତାଙ୍କ ସ୍ତ୍ରୀ ଲକ୍ଷ୍ମୀ ସେଠ୍ ନିଜ ସାତ ବର୍ଷର ଶିଶୁକୁ ଲାତ ଗୋଇଠା ମୁଥ ଦ୍ବାରା ନିର୍ଦ୍ଧୁମ ମାଡ ମାରିଛନ୍ତି। ଫଳରେ ଶିଶୁଟି ଲହୁଲୁହାଣ ହେବା ସହ ଅଚେତ୍ ହୋଇ ଯାଇଥିବାରୁ ପଡୋଶୀଙ୍କ ଦ୍ବାରା ଉଦ୍ଧାର କରାଯାଇ ପ୍ରଥମେ କଣ୍ଟାବାଞ୍ଜି ଡାକ୍ତରଖାନା ଓ ପରେ ଭୀମଭୋଇ ମେଡିକାଲରେ ଭର୍ତ୍ତି କରାଯାଇଥିଲା।

ଅନ୍ୟପଟେ ଶିଶୁ କଥା ନମାନିବାରୁ ରାଗରେ ବାଡେଇଥିବାର ସ୍ବୀକାର କରିଛନ୍ତି ନିଜେ ମାଆ । ଏଥି ସହ ଆଗକୁ ଏଭଳି ଭୁଲ କରିବେ ନାହିଁ ବୋଲି କହିଛନ୍ତି । ସେପଟେ ଏହି ଘଟଣାକୁ ନେଇ ବଲାଙ୍ଗୀର ଶିଶୁ ମଙ୍ଗଳ କମିଟି ତଦନ୍ତ ଆରମ୍ଭ କରିଛି। କଣ୍ଟାବାଞ୍ଜି ଥାନା ତଥା ବଲାଙ୍ଗୀର ଏସପିଙ୍କ ପାଖରେ ଏନେଇ ଲିଖିତ ଅଭିଯୋଗ ସହ ଆଇନ ଅନୁସାରେ ପଦକ୍ଷେପ ନେବାକୁ କହିଛି । ସମାନ ଭାବରେ ଡ଼ାକ୍ତରଖାନା ଯାଇ ଶିଶୁର ବୟାନ ମଧ୍ୟ କମିଟି ରେକର୍ଡ କରିଛି। ମାଆ ବାପା ଏଭଳି ଘଟଣାରୁ ନିବୃତ ରହିବା ସହ ସଚେତନ ହେବା ନିହାତି ଆବଶ୍ୟକ ବୋଲି କମିଟି କହିଛି।

ଇଟିଭି ଭାରତ, ବଲାଙ୍ଗୀର