ବଲାଙ୍ଗୀର: ଆକାଂକ୍ଷୀ ଜିଲ୍ଲା ତାଲିକାରେ ଥିବା ବଲାଙ୍ଗୀର ଜିଲ୍ଲା ଗସ୍ତରେ ଆସିଛନ୍ତି କେନ୍ଦ୍ର ଗ୍ରାମୀଣ ବିକାଶ ରାଜ୍ୟ ମନ୍ତ୍ରୀ ସାଧ୍ବୀ ନିରଞ୍ଜନ ଜ୍ୟୋତି । ରବିବାର ସେ ରାୟପୁରରୁ ସଡକ ପଥରେ ବଲାଙ୍ଗୀର ପାଟଣାଗଡ଼ ପହଞ୍ଚିଥିଲେ । ସେଠି ବିଜେପିର ସ୍ୱର୍ଗୀୟ ବରିଷ୍ଠ ନେତା ଭକ୍ତ ବନ୍ଧୁ ନାଏକଙ୍କ ଏକଦଶାହ କାମରେ ଯୋଗ ଦେଇଥିଲେ ।
ପରେ ବଲାଙ୍ଗୀର ଗ୍ରାମ୍ୟ ଉନ୍ନୟନ ସଂସ୍ଥାର ସମ୍ମିଳନୀ କକ୍ଷରେ ବିଭିନ୍ନ ବିଭାଗ ସହିତ ସମୀକ୍ଷା କରିଥିଲେ । ମହିଳା, SHG ସଂଗଠନ ଓ ବିଜେପି କର୍ମକର୍ତ୍ତାଙ୍କ ସହ ସାକ୍ଷାତ କରିଥିଲେ । କେନ୍ଦ୍ରୀୟ ଯୋଜନାରେ ଆସୁଥିବା ବିଭିନ୍ନ ଅନୁଦାନ କିଭଳି ଖର୍ଚ୍ଚ ହେଉଛି ଓ ଲୋକେ କେତେ ତାହାର ଉପକାର ପାଉଛନ୍ତି ଏସବୁର ସମୀକ୍ଷା କରିଛନ୍ତି କେନ୍ଦ୍ରମନ୍ତ୍ରୀ । ସେହିପରି କିଛି ଅଭାବ ଅସୁବିଧା ସେ ପରିଲକ୍ଷିତ କରିଥିବା ବେଳେ ତାହାର ସମାଧାନ ଦିଗରେ ଆଗକୁ ପଦକ୍ଷେପ ନେବେ ବୋଲି କହିଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
