ବଲାଙ୍ଗୀର: ଆନ୍ଦୋଳନକୁ ଓହ୍ଲାଇଲେ ବଲାଙ୍ଗୀର ରାଜେନ୍ଦ୍ର କଲେଜ ଶତାଧିକ ଛାତ୍ର ଛାତ୍ରୀ । ସମନ୍ବୟ ବିଇଡି ଛାତ୍ରଛାତ୍ରୀଙ୍କୁ ଅଯୋଗ୍ୟ କରାଯାଇ ଶିକ୍ଷାଦାନରୁ ବଞ୍ଚିତ କରିଥିବାରୁ ଏମାନେ ଆନ୍ଦୋଳନ କରିଛନ୍ତି । ଯେଉଁଥିରେ ଗୁରୁବାର ଏହି କଲେଜର ଶତାଧିକ ଛାତ୍ରଛାତ୍ରୀ କଲେଜରୁ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଶୋଭାଯାତ୍ରରେ ଯାଇଥିଲେ । କାର୍ଯ୍ୟାଳୟ ଘେରାଉ କରିବା ସହ ଦୀର୍ଘ ସମୟ ବିକ୍ଷୋଭ ପ୍ରଦର୍ଶନ କରିଥିଲେ ।
ଆନ୍ଦୋଳନକୁ ଓହ୍ଲାଇଲେ ଶତାଧିକ ଛାତ୍ରଛାତ୍ରୀ
ତେବେ ଏହି ସମନ୍ବୟ ବିଇଡିର ଛାତ୍ରଛାତ୍ରୀଙ୍କୁ ଓଟିଇଟି ପିଜିଇଟି ଇତ୍ୟାଦି ପରୀକ୍ଷାରୁ ନିବୃତ୍ତ ରଖାଯିବା ସହ ଅଯୋଗ୍ୟ କରାଯାଇଛି । ଯାହାକୁ ଏମାନେ ବିରୋଧ କରିଛନ୍ତି । ଅର୍ଥାତ ଛାତ୍ରଛାତ୍ରୀ ଶିକ୍ଷକତା କରିବା ପାଇଁ ଏହି ପାଠ୍ୟକ୍ରମ ଲକ୍ଷାଧିକ ଟଙ୍କା ଦେଇ କରୁଥିବା ବେଳେ ସରକାରଙ୍କ ଏହି ନିଷ୍ପତ୍ତିରେ ଭାଙ୍ଗି ପଡିଛନ୍ତି ଏମାନେ ।