ବାଇକ ରାକେଟର ପର୍ଦ୍ଦାଫାଶ: 6 ଗିରଫ, 10 ବାଇକ ଜବତ

ବଲାଙ୍ଗୀରରୁ ଠାବ ହୋଇଛି ବାଇକ ଚୋର ରାକେଟ । ଏମାନଙ୍କଠୁ ଉଦ୍ଧାର ହୋଇଛି 10ଟି ଚୋରି ବାଇକ । ତେବେ ଏମାନଙ୍କ ନାଁରେ ଆଗରୁ ବାଇକ ଚୋରି ଏତଲା ମଧ୍ୟ ଥିଲା ।

ବଲାଙ୍ଗୀର: ବେଲପଡା ପୋଲିସକୁ ମିଳିଛି ବଡ ସଫଳତା । ଆନ୍ତଃଜିଲ୍ଲାର ବାଇକ ଚୋର ରାକେଟକୁ ଧରିବାରେ ସଫଳ ହୋଇଛି ବେଲପଡା ପୋଲିସ । ତେବେ ଏମାନଙ୍କଠୁ ପୋଲିସ 10ଟି ଚୋରା ବାଇକ ଜବତ କରିଛି ।

ଦୀର୍ଘ ଦିନ ହେବ ବଲାଙ୍ଗୀର ଜିଲ୍ଲାରୁ ବାରମ୍ବାର ବାଇକ ଚୋରି ହେଉଥିବାର ଅଭିଯୋଗ ଆସୁଥିଲା । ତେବେ ବଲାଙ୍ଗୀର ଏସପିଙ୍କ ତତ୍ତ୍ବାବଧାନରେ ପାଟଣାଗଡ ପୋଲିସ ଓ ବେଲପଡା ପୋଲିସ ମିଳିତ ଭାବରେ ବିଭିନ୍ନ ସ୍ଥାନରେ ଚଢଉ କରିଥିଲା । ଚଢାଉ ପରେ ଗୋଟିଏ ରାକେଟର 6ଜଣଙ୍କୁ ଗିରଫ କରାଯାଇଛି । ତେବେ ସେମାନେ ବଲାଙ୍ଗୀର, ନୂଆପଡା, ବରଗଡ ଜିଲ୍ଲାରେ ସକ୍ରିୟ ଥିବାର ଜଣାପଡିଛି ।

ପୋଲିସ ସୂଚନାନୁସାରେ, ଏମାନଙ୍କ ନାଁରେ ବିଭିନ୍ନ ଥାନାରେ ପୂର୍ବରୁ ମଧ୍ୟ ବାଇକ୍ ଚୋରି ଏତଲା ରହିଛି । ତେବେ ଏମାନେ ବିଭିନ୍ନ ଜିଲ୍ଲାରୁ ବାଇକ୍ ଚୋରି କରି ସ୍ଥାନୀୟ ଅଞ୍ଚଳରେ ବିକ୍ରି କରୁଥିବାର ପୋଲିସ ଜାଣିବାକୁ ପାଇଛି ।

ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିଭି ଭାରତ