ବଲାଙ୍ଗୀର: ବଲାଙ୍ଗୀରରେ ମରୁଡି ପରିସ୍ଥିତି ଦେଖା ଦେଇଥିବା ବେଳେ ପ୍ରକୃତ ଚାଷୀ ଫସଲ ବୀମା କରିପାରି ନାହାଁନ୍ତି । ଫଳରେ ତାଙ୍କ ନାଁରେ ନକଲି ଚାଷୀ ବୀମା କରିଥିବାର ଅଭିଯୋଗ ଆସିଥିବା ବେଳେ ଏହାକୁ ନେଇ ବିଜେପି ପକ୍ଷରୁ ଗତକାଲି କଣ୍ଟାବାଞ୍ଜି ଠାରେ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଥିଲା । ସାମ୍ବାଦିକ ସମ୍ମିଳନୀରେ ଏହାକୁ ଏକ ଗୁରୁତ୍ବପୂର୍ଣ୍ଣ ସମସ୍ୟା ବୋଲି ବିଜେପି କହିଛି ।
ପ୍ରକୃତ ଚାଷୀଙ୍କ ବିମା ଦାବି କରି ବିଜେପିର ସାମ୍ବାଦିକ ସମ୍ମିଳନୀ
ତେବେ ଜିଲ୍ଲାରେ ହଜାର ହଜାର ପ୍ରକୃତ ଚାଷୀ ଫସଲ ବୀମା କରି ପାରି ନଥିବା ବେଳେ ତାଙ୍କ ନାଁରେ ନକଲି ଚାଷୀ ବୀମା କରିଥିବାର ବିଜେପି କହିଛି । ସେହିପରି ଏହି ଅଭିଯୋଗ ଜିଲ୍ଲାର ସବୁ ବ୍ଲକରୁ ଆସୁଥିବା ବେଳେ ଜିଲ୍ଲା ପ୍ରଶାସନ ମାତ୍ର ଦୁଇ ତିନୋଟି ମାମଲାରେ ପଦକ୍ଷେପ ନେଇ ଚୁପ ବସିବା ଯୋଗୁଁ ପ୍ରକୃତ ଚାଷୀ ହଇରାଣ ହେଉଥିବା ବିଜେପି କହିଛି ।