ବଲାଙ୍ଗୀର: ଦୂର ହେଲା ବଲାଙ୍ଗୀର ସହରର ଉଠା ଦୋକାନୀଙ୍କ ସମସ୍ୟା । ଉଠା ଦୋକାନୀଙ୍କ ପାଇଁ ସହରର ବିଭିନ୍ନ ସ୍ଥାନରେ ଭେଣ୍ଡିଂ ଜୋନ ତିଆରି କଲା ପ୍ରଶାସନ । ଏନେଇ ଗତକାଲି ସ୍ୱତନ୍ତ୍ର ଭାବରେ ଏକ ଫଳ ବଜାର ଓ ଆମିଷ ବଜାରର ଉଦଘାଟନ ହୋଇଯାଇଛି । ଏଥିରେ ଶତାଧିକ ଉଠାଦୋକାନୀ ବେପାର କରିବା ପାଇଁ ସୁବିଧା ସୁଯୋଗ ସହ ଏକ ସ୍ଥାନ ପାଇଛନ୍ତି । ଯାହାକୁ ନେଇ ସେମାନେ ବେଶ ଖୁସି ଅଛନ୍ତି।
ଭେଣ୍ଡିଂ ଜୋନକୁ ଥଇଥାନ ହେଲେ ବଲାଙ୍ଗୀର ଉଠା ଦୋକାନୀ
ତେବେ ଏହା ପୂର୍ବରୁ ଉଠାଦୋକାନୀ ମାନେ ଦୈନିକ ବେପାର କରିବା ପାଇଁ ନାହିଁନଥିବା ଆସୁବିଧାର ସମ୍ମୁଖୀନ ହେଉଥିଲେ । ସ୍ଥାନ ଅଭାବରୁ ସହରର ରାସ୍ତା କଡରେ ଦୋକାନ କରି ବ୍ୟବସାୟ କରିଆସୁଥିଲେ । ଏଥି ପାଇଁ ସହରରେ ଟ୍ରାଫିକ ସମସ୍ୟା ମଧ୍ୟ ଉପୁଜୁଥିଲା । ଏହାର ସମାଧାନ ପାଇଁ ଭେଣ୍ଡି ଜୋନର ବ୍ୟବସ୍ଥା କରିବା ପାଇଁ ଦାବି ହୋଇଆସୁଥିଲା ।