ବଲାଙ୍ଗୀର: ସମ୍ପତ୍ତି ପାଇଁ ଭାଇ ହେଲା ଭଗାରୀ। ନିଜର ସମ୍ପର୍କକୁ ଭୁଲି ଯାଇ ଭାଇକୁ ମାରିବାକୁ ବି ପଛାଇଲାନି। ତେବେ ଏଭଳି ଏକ ଜଘନ୍ୟ ହତ୍ୟାକାଣ୍ଡର ପର୍ଦ୍ଦାଫାସ କରିଛି ପୋଲିସ। ବେଲପଡା ସୁରେନ୍ଦ୍ର ହତ୍ୟା କାଣ୍ଡ ପଛରେ ଜମି ବିବାଦ ମୁଖ୍ୟ ଉଦ୍ଦେଶ୍ୟ ଥିଲା ବୋଲି ପୋଲିସ୍ କହିଛି ।
ବଲାଙ୍ଗୀର ବେଲପଡା ଥାନା ଅନ୍ତର୍ଗତ ଫଲସା ପଡା ଗ୍ରାମର ଯୁବକ ସୁରେନ୍ଦ୍ର ବନଛୋରଙ୍କ ମୃତଦେହ ଗତ ଅଗଷ୍ଟ 6 ତାରିଖରେ ଗାଁ ମୁଣ୍ଡରୁ ଉଦ୍ଧାର ହୋଇଥିଲା। ଏବଂ ପୋଲିସ ଏହାର ତଦନ୍ତ କରି ହତ୍ୟାକାଣ୍ଡ ବୋଲି ଜାଣି ପାରିବା ପରେ ଏଥିରେ ଆଗକୁ ତଦନ୍ତ କରି ଶୁକ୍ରବାର ତିନି ଜଣ ଅଭିଯୁକ୍ତଙ୍କୁ ଗିରଫ କରିଛି।