ବଲାଙ୍ଗୀର: ଶେଷହେଲା ବଲାଙ୍ଗୀର ଜିଲ୍ଲା ବେଲପଡ଼ା ଉପନିର୍ବାଚନ । ବ୍ୟାଲଟ ବକ୍ସ ଭିତରେ ପ୍ରାର୍ଥୀଙ୍କ ଭାଗ୍ୟ ସିଲ୍। ତେବେ ଏଠାରେ ବିଜେପି ଗଡ ରକ୍ଷା କରୁଛି ନା ଗଡ ବିଜେଡି ହାତକୁ ଯାଉଛି ତାହା ଗଣତି ପରେ ସ୍ପଷ୍ଟ ହୋଇଯିବ । ଆସନ୍ତାକାଲି(ବୁଧବାର) ରେଜଲ୍ଟ ପ୍ରକାଶ ପାଇବ ।
ସରିଲା ବେଲପଡା ଉପନିର୍ବାଚନ, ଆସନ୍ତାକାଲି ରେଜଲ୍ଟ
ସୂଚନା ଅନୁଯାୟୀ 26 ନମ୍ବର ଜିଲ୍ଲାପରିଷଦ ସଦସ୍ୟଙ୍କ ଅକାଳ ବିୟୋଗ ପରେ ଆଜି(ମଙ୍ଗଳବାର) ଉପନିର୍ବାଚନ ଅନୁଷ୍ଠିତ ହୋଇଥିଲା । ଯେଉଁଥିରେ 70 ପ୍ରତିଶତ ମତଦାନ ହୋଇଥିବାବେଳେ ଶାନ୍ତି ଶୃଙ୍ଖଳା ସହ ଭୋଟ ପ୍ରକ୍ରିୟା ସରିଛି । ମତଦାନ ସକାଳ ୭ଟାରୁ ଆରମ୍ଭ ହୋଇ ୧୨ଟା ପର୍ଯ୍ୟନ୍ତ ଚାଲିଥିଲା । ୮ ପଞ୍ଚାୟତର ୨୯ ହଜାର ୭୦୭ ଭୋଟରଙ୍କ ମଧ୍ୟରୁ ୧୫ ହଜାର ୪୩୭ ପୁରୁଷ ଥିବାବେଳେ ୧୪ ହଜାର ୨୬୦ ମହିଳା ଭୋଟର ରହିଛନ୍ତି । ମତଦାନ ପାଇଁ ମୋଟ ୧୦୧ଟି ବୁଥ୍ କରାଯାଇଥିଲା । ସେଥି ମଧ୍ୟରୁ ଧୁମଭଟା ଓ ଯୁବା ପଞ୍ଚାୟତର ଦୁଇଟି ଲେଖାଏଁ ବୁଥକୁ ସମ୍ବେଦନଶୀଳ ବୁଥ୍ ଭାବେ ଚିହ୍ନଟ କରାଯାଇଥିଲା ।