ବଲାଙ୍ଗୀର: ଜିଲ୍ଲାରେ ଖରିଫ ଋତୁରେ ଧାନ କିଣା ପରେ ରବି ଋତୁରେ ଧାନ କିଣା ପାଇଁ ଜିଲ୍ଲା ପ୍ରଶାସନ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଛି । ଏ ନେଇ ପ୍ରକୃତ ଚାଷୀ ଚିହ୍ନଟ କାର୍ଯ୍ୟକ୍ରମ ଆରମ୍ଭ ହୋଇଯାଇଛି ।
ଧାନ କିଣା ପାଇଁ ବଲାଙ୍ଗୀର ପ୍ରଶାସନର ପ୍ରସ୍ତୁତି ଆରମ୍ଭ
ବଲାଙ୍ଗୀର ଜିଲ୍ଲାରେ ଅନେକ ବାଦ ବିବାଦ ପରେ ଖରିଫ ଋତୁ ଧାନ କିଣା ସରିଛି । ଏବେ ରବି ଋତୁରେ ଅମଳ ହୋଇଥିବା ଧାନ କିଣା ପାଇଁ ପ୍ରସ୍ତୁତି ଆରମ୍ଭ କରିଛି ପ୍ରଶାସନ। ତେବେ ଏଥର ପ୍ରକୃତ ଚାଷୀ ଚିହ୍ନଟ ସହିତ ପ୍ରକୃତ ଧାନ ଚାଷ ହୋଇଥିବା ଆଧାରରେ ଧାନ କିଣା ପାଇଁ ଟାର୍ଗେଟ ରଖାଯାଇଛି । ଯାହାପାଇଁ ବଲାଙ୍ଗୀର ଜିଲ୍ଲାପାଳଙ୍କ ନିର୍ଦେଶରେ ଜିଲ୍ଲା ମୁଖ୍ୟ କୃଷି ଅଧିକାରୀଙ୍କ ନେତୃତ୍ୱରେ ଆରଆଇଭିଏଲ ଡବ୍ଲୁ ଓ ଯୋଗାଣ ବିଭାଗର କର୍ମଚାରୀ ମାନେ ଗାଁ କୁ ଗାଁ ବୁଲି ପ୍ରକୃତ ଚାଷ ହୋଇଥିବା ଜମିର ହିସାବ ଆରମ୍ଭ କରିଛନ୍ତି ।