ବଲାଙ୍ଗୀରରେ ବାରହା ଶିକାରୀକୁ ବାନ୍ଧିଲା ପୋଲିସ

ବାରହା ଶିକାରୀକୁ ବାନ୍ଧିଲା ମୁରିବାହାଲ୍ ପୋଲିସ । ଶିକାରୀ ପାଖରୁ ପୋଲିସ ଦୁଇଟି ଦେଶୀ ବନ୍ଧୁକ ସହ ଜଙ୍ଗଲୀ ବାରହା ମାଂସ ଜବତ କରିଛି ।

ବଲାଙ୍ଗୀର: ବାରହା ଶିକାରୀକୁ ବାନ୍ଧିଲା ମୁରିବାହାଲ୍ ପୋଲିସ । ମୁରିବାହାଲ ପୋଲିସ ପାଟ୍ରୋଲିଂ କରୁଥିବା ସମୟରେ ଜଙ୍ଗଲରୁ ଦୁଇ ବାଇକ ଆରୋହୀ ଦ୍ରୁତ ଗତିରେ ଯାଉଥିଲେ । ପୋଲିସ ବାଇକ ଆରୋହୀଙ୍କୁ ସନ୍ଦେହ କରି ପିଛା କରିଥିଲା । ପରେ ଜଣେ ଫେରାର ହୋଇଯାଇଥିଲା । ମାତ୍ର ଅନ୍ୟଜଣକୁ ପୋଲିସ ଗିରଫ କରିବାରେ ସଫଳ ହୋଇଥିଲା । ଶିକାରୀ ପାଖରୁ ପୋଲିସ ଦୁଇଟି ଦେଶୀ ବନ୍ଧୁକ ସହ ଜଙ୍ଗଲୀ ବାରହା ମାଂସ ଜବତ କରିଛି ।

ମୁରିବାହାଲ ତହସିଲଦାରଙ୍କ ଉପସ୍ଥିତିରେ ବାରହା ମାଂସକୁ ପୋତି ଦିଆଯାଇଥିଲା । ଗିରଫ ଶିକାରୀ କେଶବ ସ୍ଥାନୀୟ ତେତେଲଖୁଣ୍ଟି ଗାଁର ବୋଲି ଜଣାପଡିଛି । ଅଭିଯୁକ୍ତକୁ ଗିରଫ କରି ମୁରିବାହାଲ୍ ପୋଲିସ କୋର୍ଟ ଚାଲାଣ କରିଛି ।

ବଲାଙ୍ଗୀରରୁ ଏସ.କେ ମହମ୍ମଦ ୱାହିଦ, ଇଟିଭି ଭାରତ