ବଲାଙ୍ଗୀର: ବଲାଙ୍ଗୀର ITI ଛାତ୍ର ଦିପନ୍ ପ୍ରଧାନଙ୍କ ମୃତ୍ୟୁ ଘଟଣାରେ ପରିବାର ଲୋକ ପ୍ରଥମରୁ ହତ୍ୟା ଅଭିଯୋଗ ଆଣିଥିବା ବେଳେ ଏହାର ସଠିକ୍ ତଦନ୍ତ କରିବା ପାଇଁ ଦାବି କରିଛନ୍ତି । ତେବେ ଗତ ୭ ତାରିଖରେ ବଲାଙ୍ଗୀର ଗନ୍ଧମାର୍ଦନ ଆଇଟିଆଇ କଲେଜର ଛାତ୍ର ଦୀପନ୍ ପ୍ରଧାନ ପ୍ରଥମେ ନିଖୋଜ ଥିବା ବେଳେ ପରବର୍ତ୍ତୀ ସମୟରେ ତାଙ୍କ ମୃତଦେହ ବଲାଙ୍ଗୀର କୁସମେଲ୍ ଗ୍ରାମର ଏକ ପୋଖରୀରୁ ଉଦ୍ଧାର ହୋଇଥିଲା ।
ITI Student Dead: ତଦନ୍ତ ଦାବି କଲେ ପରିବାର
ସେପଟେ ଶରୀରର ବିଭିନ୍ନ ସ୍ଥାନରେ କ୍ଷତ ଚିହ୍ନ ଥିବା ବେଳେ ପରିବାର ଲୋକେ ସେତେବେଳେ ହତ୍ୟା ଅଭିଯୋଗ ଆଣି ଥାନାରେ ଲିଖିତ ଅଭିଯୋଗ କରିଥିଲେ । ପୁଅର ସେହି ଗ୍ରାମର ଜଣେ ଝିଅ ସହ ପ୍ରେମ ସମ୍ପର୍କ ଥିବାରୁ ଝିଅ ଘର ଲୋକେ ତାଙ୍କୁ ହତ୍ୟା କରିଥିବାର ଅଭିଯୋଗ ଆଣିଥିଲେ ପରିବାର । ହେଲେ ଏହି ଘଟଣାକୁ ଆଜି ୧୮ ଦିନ ବିତିଥିବା ବେଳେ ପୋଲିସ୍ ଅଭିଯୋଗ ଉପରେ କୌଣସି ପଦକ୍ଷେପ ନେଉ ନଥିବାର ପରିବାର ଲୋକେ ଅଭିଯୋଗ କରିଛନ୍ତି ।