ବଲାଙ୍ଗୀର: ବଲାଙ୍ଗୀର ଝିଅଙ୍କ କମାଲ । ଝାଡଖଣ୍ଡ କେନ୍ଦ୍ରୀୟ ବିଶ୍ୱ ବିଦ୍ୟାଳୟରେ ଦେଶର ସମସ୍ତଙ୍କୁ ପଛରେ ପକାଇ ବ୍ୟାଚ୍ ଟପ୍ପର ଓ ବିଶ୍ୱବିଦ୍ୟାଳୟ ଟପ୍ପର ହୋଇ ଜିତିଲେ ଦୁଇଟି ଗୋଲ୍ଡ ମେଡାଲ । ଏହି ଝିଅ ହେଉଛନ୍ତି ବଲାଙ୍ଗୀରର ତାଳ ପାଳି ପଡାର ବାପା ଡାକ୍ତର ସୁଧୀରଞ୍ଜନ ମିଶ୍ର ଓ ସୁଭା ମୟୀ ମିଶ୍ରଙ୍କ ଦ୍ଵିତୀୟ ଝିଅ ପ୍ରତିଶା ମିଶ୍ର । ପିଲାଦିନେ ଗଣିତରେ ଦୁର୍ବଳ ରହୁଥିବା ପ୍ରତିଶା ଆଜି ସେହି ଗଣିତରେ ଟପ୍ପର ହୋଇଛନ୍ତି ।
ବଲାଙ୍ଗୀର ଝିଅଙ୍କ କମାଲ, ଝାରଖଣ୍ଡରୁ ଜିତିଲେ ଗୋଲ୍ଡ ମେଡାଲ
ନିଜ ମାଆଙ୍କ ତତ୍ତ୍ବାବଧାନରେ ସେ ଗଣିତ ପାଠ ପଢିବା ଆରମ୍ଭ କରିଥିଲେ । ସେହିପରି ସେ ସବୁ ପରୀକ୍ଷାରେ ଧୀରେ ଧୀରେ ଗଣିତରେ ଭଲ ମାର୍କ ରଖିବା ସହ ରାଜେନ୍ଦ୍ର ବିଶ୍ୱବିଦ୍ୟାଳୟରୁ ପାଠ ପଢି ପୋଷ୍ଟ ଗ୍ରାଜୁଏଟ ପାଇଁ ପ୍ରଚେଷ୍ଠା ଆରମ୍ଭ କରିଥିଲେ । ଯାହା ପାଇଁ ସେ ଦେଶର ପାଞ୍ଚଟି କେନ୍ଦ୍ରୀୟ ବିଶ୍ୱ ବିଦ୍ୟାଳୟରେ ନାମ ଲେଖାଇବା ପାଇଁ ସିୟୁସିଇଟି(CUET) ପରୀକ୍ଷା ଦେଇଥିଲେ ।