ବନବିଭାଗର ଚଢ଼ାଉ, 3 ଲକ୍ଷରୁ ଅଧିକ ଟଙ୍କାର କାଠ ଜବତ

ବନ ବିଭାଗ ପକ୍ଷରୁ ବୁଧବାର ବଲାଙ୍ଗୀର ପୋଲିସ ଲାଇନ ସ୍ଥିତ ଚାକୁ ସିଂ ନାମକ ବ୍ୟକ୍ତିଙ୍କ ଘରେ ଚଢ଼ାଉ କରାଯାଇ ବିପୁଳ ପରିମାଣର କାଠ ଜବତ କରାଯାଇଛି। ଅଧିକ ପଢ଼ନ୍ତୁ...

ବଲାଙ୍ଗୀର: ଜିଲ୍ଲା ବନ ବିଭାଗ ପକ୍ଷରୁ ବୁଧବାର ଜଣେ ସ୍ଥାନୀୟ ବ୍ୟକ୍ତିଙ୍କ ଘରେ ଚଢ଼ାଉ କରାଯାଇ ବିପୁଳ ମାତ୍ରାରେ କାଠ ଜବତ କରାଯାଇଛି । ବଲାଙ୍ଗୀର ପୋଲିସ ଲାଇନ ସ୍ଥିତ ଚାକୁ ସିଂ ନାମକ ବ୍ୟକ୍ତିଙ୍କ ଘରେ ଏହି ଚଢ଼ାଉ ହୋଇଥିବା ସୂଚନା ରହିଛି।

ତେବେ ବଲାଙ୍ଗୀର ଡିଏଫଓଙ୍କ ନିର୍ଦ୍ଦେଶ କ୍ରମେ ବଲାଙ୍ଗୀର ରେଞ୍ଜ ବନ ଖଣ୍ଡ ଓ ମୋବାଇଲ ସ୍କ୍ବାର୍ଡ ମିଳିତ ଭାବରେ ଚଢ଼ାଉ କରିଥିଲେ । ଚଢ଼ାଉ ପରେ 250 ଖଣ୍ଡ ଶାଲ ପଟା ଓ 120ରୁ ଉର୍ଦ୍ଧ୍ବ ଚୌଖଟ ସହ ଦୁଇଟି ପିକଅପ ଭ୍ୟାନ ଜବତ ହୋଇଛି, ଯାହାର ଆନୁମାନିକ ମୁଲ୍ୟ 3 ଲକ୍ଷରୁ ଅଧିକ ହେବ ବୋଲି ବନ ବିଭାଗ କହିଛି । ଏହି ଘଟଣାରେ କାହାରିକୁ ଗିରଫ କରାଯାଇ ପାରନାହିଁ ବୋଲି ମଧ୍ୟ ବିଭାଗ କହିଛି ।

ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ