ବଲାଙ୍ଗୀର: ହରିଶଙ୍କରରେ ଥିବା ଜିଲ୍ଲାର ଏକମାତ୍ର ହରିଣ ପାର୍କରେ ଏବେ ବଡ଼ ସମସ୍ୟା ଦେଖାଦେଇଛି । ପାର୍କରେ କାର୍ଯ୍ୟରତ ଥିବା ଶ୍ରମିକମାନେ ଦରମା ଦାବିରେ କାର୍ଯ୍ୟ ବନ୍ଦ ଆନ୍ଦୋଳନ ଆରମ୍ଭ କରିଛନ୍ତି । ଯାହା ଫଳରେ ହରିଣଙ୍କୁ ଚାରା ଦେବା ଠାରୁ ଆରମ୍ଭ କରି ତାଙ୍କର ରକ୍ଷଣାବେକ୍ଷଣ କାର୍ଯ୍ୟରେ ସମସ୍ୟା ଦେଖାଯିବା ଆରମ୍ଭ ହୋଇଛି ।
ଦରମା ନପାଇ କାର୍ଯ୍ୟ ବନ୍ଦ ଧାରଣାରେ ହରିଣ ପାର୍କ କର୍ମଚାରୀ
ପାର୍କରେ କାର୍ଯ୍ୟରତ ଶ୍ରମିକଙ୍କ ଅଭିଯୋଗ ଅନୁସାରେ, 15 ଜଣ କର୍ମଚାରୀ କାମ କରୁଥିବାବେଳେ ଏମାନେ ହରିଣଙ୍କ ସମସ୍ତଙ୍କ ଲାଳନପାଳନ ଦାୟିତ୍ବ ବୁଝି ଆସୁଛନ୍ତି । ହେଲେ ଗତ ୫ ମାସ ହେବ ଏମାନେ ଦରମା ପାଇ ନଥିବାରୁ ପରିବାର ପ୍ରତିପୋଷଣ ସମ୍ଭବ ହୋଇ ପାରୁନାହିଁ ।