ବଲାଙ୍ଗୀର: ଜିଲ୍ଲାର ଅଧିଷ୍ଠାତ୍ରୀ ଦେବୀ ମା’ ପାଟଣେଶ୍ବରୀଙ୍କ ପ୍ରସିଦ୍ଧ ତଥା ଐତିହାସିକ ବଏଲ ଯାତ୍ରା ଶାନ୍ତି ଶୃଙ୍ଖଳାରେ ସମ୍ପନ୍ନ ହୋଇଛି। କୋଭିଡ଼ କଟକଣା ମଧ୍ୟରେ ସୀମିତ ସଂଖ୍ୟକ ଶ୍ରଦ୍ଧାଳୁଙ୍କ ମଧ୍ୟରେ ଭକ୍ତିମୟ ପରିବେଶରେ ମା’ଙ୍କର ଏହି ଐତିହାସିକ ଯାତ୍ରା ସମ୍ପନ୍ନ ହୋଇଛି । ପାଟଣାଗଡ଼ରେ ଥିବା ମା’ଙ୍କ ପୀଠରେ ଏହି ଯାତ୍ରା ରାତି ତମାମ ଚାଲିଥିଲା। ଯେଉଁଥିରେ ମା’ ବରୁଆ ବେଶରେ ଭକ୍ତଙ୍କୁ ଦର୍ଶନ ଦେବା ସହ ନଗର ପରିକ୍ରମା କରିଥିଲେ। ସେହିପରି ମା’ ଆବିର୍ଭୁତ ହେବା ସହ ପ୍ରଥମେ ଶତ୍ରୁ ନାଶର ପ୍ରତୀକ ଖପରଚୂପା ବିଧି ଅନୁଷ୍ଠିତ ହୋଇଥିଲା। ସେହିପରି ଗଡକୁ ସୁରକ୍ଷା ଦେବା ପାଇଁ ଅସ୍ୟମଳଙ୍କ ସମାଧିରେ ଲାଠି ପ୍ରହାର ବିଧି ସମ୍ପନ୍ନ ହୋଇଥିଲା। ସମାନ ଭାବରେ ସହର ମଧ୍ୟରେ ମା’ ପରିକ୍ରମା କରି ସହରର ଚାରି ଦିଗକୁ ରାକ୍ଷସ ଓ ଶତ୍ରୁଙ୍କ ଠାରୁ ସୁରକ୍ଷା ଦେବା ପାଇଁ ତନ୍ତ୍ରମନ୍ତ୍ରରେ ଆବଦ୍ଧ କରିଥିଲେ।
ଶେଷ ହେଲା ମା’ ପାଟଣେଶ୍ବରୀଙ୍କ ବଏଲ ଯାତ୍ରା