ବଲାଙ୍ଗୀର: ଜିଲ୍ଲାରେ ଦାଦନ ସମସ୍ୟା ଲାଗି ରହିଛି। ଜଣେ ଦାଦନ ଶ୍ରମିକକୁ ପ୍ରଥମେ ଅପହରଣ ପରେ ଶାରୀରିକ ନିର୍ଯାତନା ଦିଆ ଯାଇଥିବାର ଅଭିଯୋଗ ହୋଇଛି। ମାମଲା ଥାନାରେ ପହଞ୍ଚିବା ପରେ ପୋଲିସ ତଦନ୍ତ ଆରମ୍ଭ କିରଛି । ବଲାଙ୍ଗୀର ଜିଲ୍ଲାରେ ଦାଦନ ସମସ୍ୟା ଲାଗି ରହିଥିବାବେଳେ ଜଣେ ଦାଦନ ଶ୍ରମିକଙ୍କୁ ଅଗ୍ରୀମ ଟଙ୍କା ପାଇଁ ଦାଦନ ସର୍ଦ୍ଦାର ପ୍ରଥମେ ଅପହରଣ ଓ ପରେ ଶାରୀରିକ ନିର୍ଯାତନା ଦେଇଥିବାର ଅଭିଯୋଗ ହୋଇଛି।
ଦାଦନ ଶ୍ରମିକଙ୍କୁ ଅପହରଣ ସହ ନିର୍ଯାତନା ଅଭିଯୋଗ, ତଦନ୍ତ କରୁଛି ପୋଲିସ
ହୋଇଥିବା ଅଭିଯୋଗ ଅନୁସାରେ ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ଥାନା ଅନ୍ତର୍ଗତ ଦାବରି ଗ୍ରାମର ଦାଦନ ଶ୍ରମିକ ପେଟ ପାଟଣା ପାଇଁ ଜଣେ ଦାଦନ ସର୍ଦ୍ଦାର ରାଜା ଖାଁ ଠାରୁ ଅଗ୍ରୀମ 20 ହଜାର ଟଙ୍କା ନେଇଥିଲେ। ତେବେ ଏହି ଟଙ୍କା ସେ ଫେରାଇ ପାରି ନଥିବାବେଳେ ଦାଦନ ସର୍ଦ୍ଦାର ରାଜା ଖାଁ କିଛି ସହଯୋଗୀଙ୍କ ସହ ତାକୁ ଘରୁ ଅପହରଣ କରିଥିଲା। ଏକ ଅଜ୍ଞାତ ସ୍ଥାନରେ ତାକୁ ବନ୍ଧକ ରଖି ନିସ୍ତୁକ ମାଡ଼ ମାରିଥିଲା।