ବଲାଙ୍ଗୀର: କୋରୋନା ପାଇଁ ମାର୍ଚ୍ଚ 2020ରୁ ବନ୍ଦ ଥିଲା । ବର୍ତ୍ତମାନ ଏହି ସବୁ ମନ୍ଦିର ଓ ଧର୍ମାନୁଷ୍ଠାନ ଖୋଲିବା ପାଇଁ ସବୁ ମହଲରୁ ଦାବି ହୋଇ ଆସୁଛି। ଯେଉଁଥିରେ ମଙ୍ଗଳବାର ବଲାଙ୍ଗୀର ଜିଲ୍ଲାପାଳଙ୍କ ଅଧ୍ୟକ୍ଷତାରେ ଏନେଇ ସ୍ବତନ୍ତ୍ର ବୈଠକ ବସିଥିଲା। ଏଥିରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ, ଉପଜିଲ୍ଲାପାଳ ଓ ବିଭିନ୍ନ ମନ୍ଦିର ତଥା ଧର୍ମାନୁଷ୍ଠାନର କର୍ମକର୍ତ୍ତା ଉପସ୍ଥିତ ଥିଲେ।
ଆଜିଠୁ ବଲାଙ୍ଗୀରରେ ଖୋଲିବ ମନ୍ଦିର, କଡାକଡି ପାଳନ ହେବ ନିୟମ
ତେବେ ଏହି ବୈଠକରେ ମଙ୍ଗଳବାରଠୁ ମନ୍ଦିର ତଥା ଧର୍ମାନୁଷ୍ଠାନ ଖୋଲିବାର ନିଷ୍ପତ୍ତି ହୋଇଛି । ଏବଂ ଏଥିପାଇଁ ସ୍ବତନ୍ତ୍ର ଏସଓପି ବା ପରିଚାଳନା ନିୟମ ପାଳନ କରାଯିବ ବୋଲି କୁହାଯାଇଛି । ଯେଉଁଥିରେ ସବୁଠି ସାମାଜିକ ଦୂରତା ମାନିବାକୁ ବାଧ୍ୟତାମୂଳକ କରାଯାଇଥିବା ବେଳେ ମନ୍ଦିର ଇତ୍ୟାଦିରେ ଯେମିତି ଭିଡ ନଜମେ ତା ପାଇଁ ମନ୍ଦିର ପ୍ରଶାସନ ଦାୟିତ୍ବ ନେବେ ବୋଲି ନିର୍ଦ୍ଦେଶ ରହିଛି।