ବଲାଙ୍ଗୀର: ଦିନ ଗଡୁଛି, ସସପେନ୍ସ ବଢୁଛି । ରୋଚକ ସ୍ଥିତିରେ ପହଞ୍ଚିଲାଣୀ ACF ସୌମ୍ୟରଞ୍ଜନଙ୍କ ମୃତ୍ୟୁ । ଗୋଟେ ପରେ ଗୋଟେ ତଥ୍ୟା ସାମ୍ନାକୁ ଆସୁଥିବା ବେଳେ ଛନ୍ଦି ହୋଇଗଲେଣି ବିଦ୍ୟା ଭାରତୀ । ଏବେ ACFଙ୍କ ମୃତ୍ୟୁରେ ବଲାଙ୍ଗୀର ଲିଙ୍କ ଥିବା ସାମ୍ନା ଆସିଛି। ପୋଲିସ ସ୍କାନରରେ ଏବେ ବ୍ୟାଚେଲର ପାର୍ଟି । ବାହା ହେବା ପରେ କାହା ସହ ବିଦ୍ୟା ଭାରତୀ ଆସିଥିଲେ ବଲାଙ୍ଗୀର ? କେମିତି ହୋଇଥିଲା ଏଠି ବ୍ୟାଚେଲର ପାର୍ଟି ? ବାହାଘର ପରେ ବଲାଙ୍ଗୀର LI ତାଲିମ୍ କେନ୍ଦ୍ରକୁ ଆସିଥିଲେ ବିଦ୍ୟା ଭାରତୀ ।
ମୃତ ସୌମ୍ୟରଞ୍ଜନଙ୍କ ସ୍ତ୍ରୀ ବିଦ୍ୟା ଭାରତୀ ପଣ୍ଡା ବଲାଙ୍ଗୀର ପ୍ରାଣୀଧନ ନିରିକ୍ଷକ ତାଲିମ କେନ୍ଦ୍ରରେ ୨୦୧୯- ୨୧ରେ ବ୍ୟାଚରେ ପାଠ ପଢୁଛନ୍ତି । ସେ ଏପ୍ରିଲ ୩ ତାରିଖରେ ମିଡ ଟର୍ମ ପରୀକ୍ଷା ପାଇଁ କଲେଜକୁ ଆସିଥିଲେ l ୧୩ ତାରିଖ ପର୍ଯ୍ୟନ୍ତ ଦୀର୍ଘ 10 ଦିନ ଧରି ହଷ୍ଟେଲରେ ରହିଥିଲେ । ୮ କିମ୍ବା ୯ ତାରିଖରେ ପାର୍ଟି ପାଇଁ ଏଟିଏମରୁ ଟଙ୍କା ଉଠେଇବା ଲାଗି ଉପନିର୍ଦ୍ଦେଶକଙ୍କ ଠାରୁ ଅନୁମତି ନେଇ ବାହାରକୁ ଯାଇଥିଲେ l ୧୧ ତାରିଖ ହଷ୍ଟେଲରେ ଭୋଜି ଦେଇଥିଲେ । ଏନେଇ ସୂଚନା ଦେଇଛନ୍ତି ହଷ୍ଟେଲ ମେସ ଖର୍ଚ୍ଚ ବହନ କରିଥିବା ଉପନିର୍ଦ୍ଦେଶକ ଡ.ହେମନ୍ତ କୁମାର ପ୍ରଧାନ l ହେଲେ ସେ ଆସିବା ସମୟରେ ଏକ କାରରେ ଏଠାକୁ ଆସିଥିଲେ କିନ୍ତୁ କାହା ସହ ଆସିଥିଲେ ତାହା ସ୍ପଷ୍ଟ କରିନାହାନ୍ତି l