ବଲାଙ୍ଗୀର: ବଦଳିଛି ସମୟ, ହେଲେ ବଦଳୁନି ମାନସିକତା । ଅନ୍ୟ ଜାତିରେ ବିବାହ କରିଥିବାରୁ ମୃତ୍ୟୁ ପରେ ମଧ୍ୟ ବୃଦ୍ଧାଙ୍କ ଶବକୁ କାନ୍ଧ ଦେଲେନି ଗାଁ ଲୋକେ । ଖାଲି ସେତିକି ନୁହେଁ ସମ୍ପର୍କୀୟ ମଧ୍ୟ ମୁହଁ ବୁଲାଇଦେଲେ । ଶେଷରେ ସ୍ବେଚ୍ଛାସେବୀ ସଂଗଠନଙ୍କ ଦ୍ବାରା ହେଲା ଶବ ସତ୍କାର । ଏହିଭଳି ଏକ ଦୁଃଖଦ ଘଟଣା ଦେଖିବାକୁ ମିଳିଛି ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ଅନ୍ତର୍ଗତ କୁସଙ୍ଗ ଗାଁରେ ।
ଭିଡିଓ ସୌଜନ୍ୟ: ସମ୍ବାଦଦାତା, ବଲାଙ୍ଗିର
ମୃତ ମହିଳା ଜଣଙ୍କ ହେଲେ ଟେଭା ନାଏକ । ସେ କୁସଙ୍ଗ ଗାଁର ହାଡୁ ନାଏକଙ୍କୁ ବିବାହ କରିଥିଲେ । ତେବେ ତାଙ୍କର କୌଣସି ସନ୍ତାନ ନଥିବା ବେଳେ ବୟସ ଅତ୍ୟଧିକ ହେବା କାରଣରୁ ବୁଧବାର ତାଙ୍କର ମୃତ୍ୟୁ ହୋଇଥିଲା । ତେବେ ହାଡୁ ନାଏକ ଅନ୍ୟ ଜାତିରେ ବିବାହ କରିଥିବାରୁ ସମାଜରୁ ତାଙ୍କୁ ବାସନ୍ଦ କରିଥିଲା । ଏଥିଯୋଗୁଁ ଗାଁ ଲୋକେ କିମ୍ବା କୌଣସି ସମ୍ପର୍କୀୟ ତାଙ୍କ ପାଖକୁ ଆସି ନଥିଲେ । ଫଳରେ ମୃତଦେହ ଦୀର୍ଘ ସମୟ ଧରିପଡି ରହିଥିଲା ।