ବଲାଙ୍ଗୀର:ଆଧୁନିକ ଯୁଗରେ ବି ଗୁଣିଗାରେଡିକୁ ନେଇ ଘଟେଇ ଚାଲିଛି ଗୋଟେ ପରେ ଗୋଟେ ଜଘନ୍ଯକାଣ୍ଡ । ବଲାଙ୍ଗିର ଜିଲ୍ଲାରେ ଗୁଣି ଗାରେଡି ସନ୍ଦେହରେ ଘଟିଛି ଜଘନ୍ୟ ହତ୍ୟାକାଣ୍ଡ । ଗୁଣି ଗାରେଡି ସନ୍ଦେହରେ ଜଣେ ବୃଦ୍ଧଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି ।
ଜିଲ୍ଲାର ସଇଁତଳା ଥାନା ଅନ୍ତର୍ଗତ ବରାହମାଲ ଗ୍ରାମର ବୃଦ୍ଧ ନିତ୍ୟା ଭୋଇଙ୍କ ଝୁଲନ୍ତା ମୃତ ଦେହ ଆଜି ଏକ ଲେମ୍ବୁ ଗଛରୁ ଉଦ୍ଧାର କରାଯିବା ପରେ ପରିବାର ଲୋକେ ଗୁଣି ଗାରେଡି ସନ୍ଦେହରେ ତାଙ୍କୁ ହତ୍ୟା କରାଯାଇଥିବା ଥାନାରେ ଅଭିଯୋଗ କରିଥିଲେ । ଅଭିଯୋଗ ଅଧାରରେ ସଇଁତଳା ପୋଲିସ ୫ ଜଣଙ୍କୁ ଅଟକ ରଖିବା ସହ ଘଟଣାସ୍ଥଳରେ ପହଞ୍ଚି ସାଇଣ୍ଟିକ ଟିମ୍ ସହାୟତାରେ ତଦନ୍ତ ଆରମ୍ଭ କରିଛି।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
