ବଲାଙ୍ଗୀର: ମାନବିକତା ଭୁଲାଇ ଦେଉଛି କୋରୋନା । ମହାମାରୀ ସଂକ୍ରମଣର ଭୟ ଏତେ ଯେ, ଯାହାକୁ ନେଇ ପୁଣି ବଲାଙ୍ଗୀରରୁ ଆସିଛି ବିକଳ ଚିତ୍ର । କୋରୋନାରେ ମୃତ୍ୟୁବରଣ କରିଥିବା ଜଣେ ବ୍ୟକ୍ତିଙ୍କ ପାଖକୁ କେହି ଗ୍ରାମବାସୀ ପାଖ ଭିଡି ନଥିଲେ । ଶେଷରେ ମରଶରୀରରକୁ ସ୍କୁଟିରେ ବୋହି ଅନ୍ତିମ ସଂସ୍କାର କରିଛନ୍ତି ମୃତବ୍ୟକ୍ତିଙ୍କ 2ପୁଅ । ବଲାଙ୍ଗୀର ବେଲପଡ଼ା ବ୍ଲକ ସଲଣ୍ଡି ଗ୍ରାମରେ ଘଟିଛି ଏହି ଅଭାବନୀୟ ଘଟଣା ।
ମୃତଦେହକୁ ସ୍କୁଟିରେ ବୋହିଲେ ପୁଅ
ଏଠିକାର ଉଦ୍ଧବ ବେହେରା କୋରୋନା ସଂକ୍ରମିତ ଥିବାବେଳେ ଗୁରୁବାର ତାଙ୍କର ମୃତ୍ୟୁ ହୋଇଥିଲା। ମୃତ୍ୟୁ ପରେ ଗ୍ରାମବାସୀ କିମ୍ବା ସମ୍ପର୍କୀୟ କୋରୋନା ଭୟରେ ପାଖମାଡ଼ି ନଥିଲେ। ଅନ୍ୟପଟେ କୌଣସି ଉପାୟ ନପାଇ ମୃତବ୍ୟକ୍ତିଙ୍କ ପୁଅମାନେ ପିପିଇ କିଟ ପିନ୍ଧି ନିଜ ସ୍କୁଟିରେ ମୃତଦେହକୁ ବୋହିନେଇ ଗାଁ ମୁଣ୍ଡରେ ଅନ୍ତିମ ସଂସ୍କାର କରିଛନ୍ତି।