ବଲାଙ୍ଗୀର: ଜିଲ୍ଲାରେ କୋରୋନା ସଂକ୍ରମଣ ମାମଲା ବଢି ଚାଲିଥିବା ବେଳେ ଏବେ ଲୋକାଲ କଣ୍ଟାକ୍ଟ ସମସ୍ତଙ୍କ ଚିନ୍ତା ବଢ଼ାଇଛି । ଯେଉଁଥିରେ କଣ୍ଟେନମେଣ୍ଟ ଜୋନ ହାତୀ ସାଲ ପଡାରୁ ଆଜି(ଗୁରୁବାର) ଆଉ 4 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ତେବେ ଏହି ପଡାରୁ ଏଯାବତ 19 ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
ବଲାଙ୍ଗୀରରେ ଆଉ 7 କୋରୋନା ପଜିଟିଭ ଚିହ୍ନଟ, ମୋଟ 194କୁ ବୃଦ୍ଧି
ସେହିପରି ପୁଇନ୍ତଳା ବ୍ଲକ ଜାମସର ଗ୍ରାମରୁ ଜଣେ ମହିଳା ଲୋକାଲ କଣ୍ଟାକ୍ଟ ଭାବରେ ଆଜି ଚିହ୍ନଟ ହୋଇଛନ୍ତି। ତେବେ ଏ ସମସ୍ତ ଆକ୍ରାନ୍ତଙ୍କ କଣ୍ଟାକ୍ଟ ଟ୍ରେସିଂ ଜାରି ରହିଛି। ଏହା ବ୍ୟତୀତ ବଲାଙ୍ଗୀର ଆଗଲପୁର ପଣ୍ଡକେଇ ଟାଲ ଗ୍ରାମ ସଙ୍ଗରୋଧ କେନ୍ଦ୍ରରୁ 2 ଜଣ ମହାରାଷ୍ଟ୍ର ଫେରନ୍ତା କୋରୋନା ଆକ୍ରାନ୍ତ ବୋଲି ଜଣା ପଡ଼ିଛି।