ବଲାଙ୍ଗୀର: କୋରୋନା ସଂକ୍ରମଣ ଶୀର୍ଷରେ ଥିବାବେଳେ ବଲାଙ୍ଗୀରକୁ ପୁଣି ଫେରିଛି କଣ୍ଟେନମେଣ୍ଟ ଜୋନ । ଏଥିସହ ଜିଲ୍ଲାରୁ ମଧ୍ୟ ସଂକ୍ରମଣ ସଂଖ୍ୟା 458 ରେ ପହଞ୍ଚିଛି ।
ବଲାଙ୍ଗୀରରେ ବଢୁଛି ସଂକ୍ରମଣ ସହ କଣ୍ଟେନମେଣ୍ଟ ଜୋନ
ସେହିପରି ସହର ଠୁଁ ଗ୍ରାମାଞ୍ଚଳ ସବୁଠି ସଂକ୍ରମିତଙ୍କ ସଂଖ୍ୟା ବଢ଼ିଛି । ଏଥିପାଇଁ ଜିଲ୍ଲାକୁ ପୁଣି କଣ୍ଟେନମେଣ୍ଟ ଜୋନ ଫେରିଛି । ତେବେ ଏଥିରେ ଆଜି(ଶୁକ୍ରବାର) ଟିଟିଲାଗଡର ଦୁଇଟି ପଡ଼ା ସର୍ଗିଗୁଡ଼ା ଓ ଠିକାଦାର ପଡ଼ା, ପାଟଣାଗଡ଼ ଧୂମଭଟା କଣ୍ଟାବାଞ୍ଜିର ଗୋଟିଏ ପଡ଼ା ଓ ବଲାଙ୍ଗୀର ସହର ମଧ୍ୟରେ ଦୁଇଟି ପଡ଼ାକୁ ମାଇକ୍ରୋ କଣ୍ଟେନମେଣ୍ଟ ଜୋନ ଭାବରେ ଘୋଷଣା କରାଯାଇଛି । ଏହି ଅଞ୍ଚଳକୁ ସମ୍ପୂର୍ଣ୍ଣ ଭାବରେ ସିଲ୍ କରାଯାଇଛି । ସେହିପରି ସହର ତଥା ଗ୍ରାମାଞ୍ଚଳରେ କୋଭିଡ ନିୟମ କଡାକଡ଼ି ପାଳନ ପାଇଁ ଜିଲ୍ଲା ପ୍ରଶାସନ ଓ ପୋଲିସ ଚଢାଉ ଜାରିରଖିଛି ।