ବଲାଙ୍ଗୀର: ଜିଲ୍ଲାରେ ଭୟଙ୍କର ହେଉଛି କୋରୋନା ସ୍ଥିତି । ଦିନକୁ ଦିନ ପରିସ୍ଥିତି ଅଣାୟତ୍ତ ହୋଇଥିବା ବେଳେ ଏହାକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ଶୁକ୍ରବାର ଠାରୁ ବଲାଙ୍ଗୀର ଜିଲ୍ଲାକୁ ଚାରି ଦିନିଆ ସଟଡାଉନ ଘୋଷଣା କରିଛନ୍ତି। ଅତ୍ୟାବଶ୍ୟକ ସେବା ଓ ବ୍ୟବସ୍ଥା ଛାଡି ଜିଲ୍ଲାରେ ସବୁ ବନ୍ଦ ରହିଛି।
କୋରୋନା ସଂକ୍ରମଣ ଚିନ୍ତା, 4 ଦିନ ବଲାଙ୍ଗୀର ବନ୍ଦ
ସାରା ରାଜ୍ୟରେ ପ୍ରତିଦିନ 1000 ଉପରେ କୋରୋନା ଆକ୍ରାନ୍ତ ଚିହ୍ନଟ ହେଉଛନ୍ତି । ଯାହା ଏବେ ରାଜ୍ୟ ସରକାରଙ୍କ ମୁଣ୍ଡବ୍ୟଥାର କାରଣ ହୋଇଛି । ବିଭିନ୍ନ ଜିଲ୍ଲାରେ କୋରୋନା ସଂକ୍ରମଣକୁ ରୋକିବା ପାଇଁ ପର୍ଯ୍ୟାୟକ୍ରମେ ସଟ ଡାଉନ ଜାରି ରହିଛି । ବଲାଙ୍ଗୀର ଜିଲ୍ଲାରେ ମଧ୍ୟ କୋରୋନାର ସ୍ଥାନୀୟ ସଂକ୍ରମଣ ବଢ଼ିବାରେ ଲାଗିଥିବା ବେଳେ ସ୍ଥିତି ଏବେ ଅଣାୟତ୍ତ ହୋଇଛି। ଏହାକୁ ଦୃଷ୍ଟିରେ ରଖି ଶୁକ୍ରବାର ଠାରୁ ବଲାଙ୍ଗୀର ଜିଲ୍ଲାକୁ ଆସନ୍ତା ଚାରି ଦିନ ପାଇଁ ସଟ ଡାଉନ ଘୋଷଣା କରିଛନ୍ତି ଜିଲ୍ଲାପାଳ।