କନେଷ୍ଟବଳଙ୍କୁ ମରଣାତ୍ମକ ଆକ୍ରମଣ ଘଟଣା, 3 ଗିରଫ

ବଲାଙ୍ଗୀରରେ କୋରୋନା କାଳରେ ଗୁଣ୍ଡାରାଜ ବଢି ଚାଲିଥିବା ବେଳେ ନିକଟରେ ଜଣେ ପୋଲିସ କନଷ୍ଟେବଳ ଓ ଦୁଇ ଜଣ ଯୁବକଙ୍କୁ ମରଣାନ୍ତକ ଆକ୍ରମଣ ହୋଇଥିଲା। ଘଟଣାରେ ଗିରଫ ହେଲେ 3 ।

ବଲାଙ୍ଗୀର:ତିନି ଜଣ ଯୁବକଙ୍କୁ ମରଣାନ୍ତକ ଆକ୍ରମଣ । ବଲାଙ୍ଗୀରରେ କୋରୋନା କାଳରେ ଗୁଣ୍ଡାରାଜ ବଢି ଚାଲିଥିବା ବେଳେ ନିକଟରେ ଜଣେ ପୋଲିସ କନଷ୍ଟେବଳ ଓ ଦୁଇ ଜଣ ଯୁବକଙ୍କୁ ମରଣାନ୍ତକ ଆକ୍ରମଣ ହୋଇଥିଲା।

ରାଜୀବ ନଗରରେ ଏହି ଘଟଣା ଘଟି ଥିବାବେଳେ ପୋଲିସ ସମସ୍ତ ଆହତଙ୍କୁ ଉଦ୍ଧାର କରି ପ୍ରଥମେ ବଲାଙ୍ଗୀର ଓ ପରେ ବୁର୍ଲା ଡାକ୍ତର ଖାନାରେ ଭର୍ତ୍ତି କରାଯାଇଥିଲା । ତେବେ ଏହି ଘଟଣାରେ ଶୁକ୍ରବାର ବଲାଙ୍ଗୀର ଟାଉନ୍ ପୋଲିସ 3 ଜଣ ଅଭିଯୁକ୍ତଙ୍କୁ ଗିରଫ କରିଛି।

ଏମାନଙ୍କ ଠାରୁ ପୋଲିସ ଆକ୍ରମଣରେ ବ୍ୟବହୃତ ଟାଙ୍ଗିଆ, ଛୁରୀ ଓ ଖଣ୍ଡା ଜବତ କରିଛି। ଏଥିରେ ସମ୍ପୃକ୍ତ ଥିବା ଅନ୍ୟ ମାନଙ୍କୁ ଖୋଜା ମଧ୍ୟ ଚାଲିଥିବା ପୋଲିସ କହିଛି । ସେପଟେ ପୂର୍ବ ଶତ୍ରୁତା କାରଣରୁ ଏହି ଆକ୍ରମଣ ହୋଇଥିବାର ପୋଲିସ ସ୍ପଷ୍ଟ କରିଛି।

ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ