ବଲାଙ୍ଗୀର: ଜିଲ୍ଲାରେ ଶନିବାର ଆଉ ଦୁଇ କୋରୋନା ପଜିଟିଭ ଚିହ୍ନଟ ହୋଇଛନ୍ତି। ଏହାକୁ ମିଶାଇ ବଲାଙ୍ଗୀରରେ କୋରୋନା ଆକ୍ରାନ୍ତ ସଂଖ୍ୟା 4ରେ ପହଞ୍ଚିଛି । ତେବେ ଶନିବାର ଚିହ୍ନଟ ଆକ୍ରାନ୍ତ ଦୁହେଁ ସୁରତ ଫେରନ୍ତା ବୋଲି ଜିଲ୍ଲାପାଳ ସୂଚନା ଦେଇଛନ୍ତି । ସମ୍ପୃକ୍ତ ଯୁବକ ଦୁହେଁ ଗତ 9 ତାରିଖରେ ଗୁଜରାଟ ସୁରତରୁ ବଲାଙ୍ଗୀର ଫେରିଥିଲେ ଏବଂ ଏଠି ସୁଡ଼ପଡାସ୍ଥିତ ସଙ୍ଗରୋଧ କେନ୍ଦ୍ରରେ ରହିଥିଲେ ।
ବଲାଙ୍ଗୀରରେ ଆଉ 2 କୋରୋନା ପଜିଟିଭ, ମୋଟ ସଂଖ୍ୟା 4କୁ ବୃଦ୍ଧି
ତେବେ ଗତ 11 ତାରିଖରେ ଏମାନଙ୍କର ସ୍ବାବ ସଂଗ୍ରହ କରାଯାଇ ଥିବା ବେଳେ ଶନିବାର ଏମାନଙ୍କ ରିପୋର୍ଟ ପଜିଟିଭ ଆସିଛି । ସେପଟେ ଏହି ଦୁଇ ଜଣ ଯୁବକଙ୍କୁ ଭୁବନେଶ୍ବର କିମ୍ସ କୋଭିଡ-19 ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ବର୍ତ୍ତମାନ ଏମାନଙ୍କର ପ୍ରତ୍ୟକ୍ଷ କଣ୍ଟ୍ରାକ୍ଟ ଟ୍ରେସିଂ ଜାରି ରହିଥିବା ନେଇ ଜିଲ୍ଲାପାଳ ସୂଚନା ଦେଇଛନ୍ତି । ତେବେ ଆଶ୍ବସ୍ତିର ବିଷୟ ଯେ ଏମାନେ ସଙ୍ଗରୋଧରେ ଥିଲେ ଏବଂ ସାଧାରଣ ଲୋକଙ୍କ ସଂସ୍ପର୍ଶରେ ଆସି ନାହାନ୍ତି ।