ବଲାଙ୍ଗୀର: ଜିଲ୍ଲାର ଲରମ୍ଭା ଥାନା ଅନ୍ତର୍ଗତ ଲୁହସୀଙ୍ଗାର ନାମକ ଏକ ଗୋଦାମରୁ 16 ହଜାରରୁ ଅଧିକ କଫ ସିରପ ଜବତ କରିଛି ପୋଲିସ। ଏହାର ମୁଖ୍ୟ ଅଭିଯୁକ୍ତ ଏବେବି ଫେରାର ଥିବାବେଳେ ପୋଲିସ ତାକୁ ଖୁବ ଶୀଘ୍ର ଧରିବ ବୋଲି କହିଛି।
ଏକ ବିଶେଷ ସୁତ୍ରରୁ ଖବର ପାଇ ଲରମ୍ଭା ଥାନା ଅନ୍ତର୍ଗତ ଲୁହସୀଙ୍ଗାର ଏକ ଗୋଦାମରେ ଲରମ୍ଭା ଥାନା ଓ ପାଟଣାଗଡ଼ ଥାନା ପୋଲିସ ମିଳିତ ଭାବରେ ଚଢ଼ାଉ କରାଯାଇଥିଲା । ଏହି ଗୋଦାମରୁ 16 ହଜାର କୋଡିଁନ୍ ଯୁକ୍ତ କଫ ସିରପ ଜବତ କରାଯାଇଥିବା ବେଳେ ଏହାର ମୂଲ୍ୟ 16 ଲକ୍ଷରୁ ଅଧିକ ହେବ ବୋଲି ପୋଲିସ କହିଛି ।
ଗୋଦାମରୁ 16 ହଜାର କଫ ସିରପ ଜବତ ଏହାର ମୁଖ୍ୟ ଅଭିଯୁକ୍ତ ସତ୍ୟନାରାୟଣ ଅଗ୍ରୱାଲ ଓରଫ୍ ଗୋଲୁ ଏବେବି ଫେରାର ଥିବାବେଳେ ପୋଲିସ ତାକୁ ଖୁବ ଶୀଘ୍ର ଧରିବ ବୋଲି କହିଛି । ତେବେ ବଲାଙ୍ଗୀର ଜିଲ୍ଲା ଧୀରେ ଧୀରେ ଅବାଧ ଭାବରେ କୋଡିଁନ୍ ଯୁକ୍ତ କଫ ସିରପ ନିଶା କବଳକୁ ଯାଉଥିବା ବେଳେ ପୋଲିସର ଏହି ତତ୍ପରତା ଏହାକୁ ରୋକ୍ ଲଗାଇବାରେ ସାହାଯ୍ୟ ହେବ ବୋଲି ଚର୍ଚ୍ଚା ହେଉଛି । ସେପଟେ ଔଷଧ ଅପ ବ୍ୟବହାର ଓ ତାକୁ ନିଶା ଭଳି ସେବନ ନ କରିବାକୁ ପୋଲିସ ଆହ୍ବାନ ଦେଇଥିବାବେଳେ ବିଭିନ୍ନ ସାମାଜିକ ସଙ୍ଗଠନ ଓ ଅନୁଷ୍ଠାନକୁ ଏଦିଗରେ ଲୋକଙ୍କୁ ସଚେତନ କରିବାକୁ ଅପିଲ କରିଛି।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
