ବଲାଙ୍ଗୀର: ଜିଲ୍ଲାରେ ପୁଣି ଗୋଟିଏ ଦିନରେ 14 ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାପରେ ଜିଲ୍ଲାରେ ମୋଟ ଆକ୍ରାନ୍ତ ସଂଖ୍ୟା 38କୁ ଛୁଇଁଛି । ସେହିପରି କେବଳ ବଲାଙ୍ଗୀର ସହର ମଧ୍ୟରେ 11 ଜଣ କୋରୋନା ପଜିଟିଭ ଏଯାଏଁ ଚିହ୍ନଟ ହୋଇଛନ୍ତି ।
ବଲାଙ୍ଗୀରରେ 14ଟି ନୂଆ କୋରୋନା ପଜିଟିଭ ରିପୋର୍ଟ, ମୋଟ ସଂଖ୍ୟା 38କୁ ବୃଦ୍ଧି
ସଂକ୍ରମିତଙ୍କ ମଧ୍ୟରୁ ଟିଟିଲାଗଡ଼ ବ୍ଲକ ସିଲୁଆନ ପଞ୍ଚାୟତର 2 ଜଣ, ଦଙ୍ଗାର ପଡା ମୁରିବାହାଲ ବ୍ଲକରୁ ଜଣେ, ଧୂମାଭଟା ପଞ୍ଚାୟତ ବେଳପଡ଼ା ବ୍ଲକରୁ ଜଣେ, ମହାଖଣ୍ଡ ପଂଚାୟତ ତୁରେକେଲା ବ୍ଲକରୁ 2 ଜଣ ମୁମ୍ବାଇ ଫେରନ୍ତା । ସେହିପରି ମାନହୀରା ପଞ୍ଚାୟତ ମୁରିବାହାଲ ବ୍ଲକରୁ ଜଣେ ତାମିଲନାଡୁ ଫେରନ୍ତା, ଓ ବଲାଙ୍ଗୀର ସହର ମୁନୁସିପାଲିଟି ଅଞ୍ଚଳର ରାଧାରାଣୀ ପଡ଼ାର 7 ଜଣ କୋଲକାତା ଫେରନ୍ତାଙ୍କୁ ମିଶାଇ ଗୋଟିଏ ଦିନରେ 14 ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।