ବଲାଙ୍ଗୀର: ଜିଲ୍ଲା ମାନ୍ୟତା ଦାବିରେ ଆଜି କଣ୍ଟାବାଞ୍ଜି ଓ ଟିଟିଲାଗଡ଼କୁ ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି । ସକାଳ 6ଟାରୁ ସନ୍ଧ୍ୟା 6ଟା ପର୍ଯ୍ୟନ୍ତ ବନ୍ଦ ପାଳନ କରାଯିବ । ଟିଟିଲାଗଡ଼ ଜିଲ୍ଲା କ୍ରିୟାନୁଷ୍ଠାନ କମିଟିର ଆହ୍ୱାନକୁ ସମର୍ଥନ କରି ସଇଁତଳା ଓ ଆଖପାଖ ଅଞ୍ଚଳରେ ବି ବନ୍ଦ ପାଳନ କରାଯାଉଛି ।
କଣ୍ଟାବାଞ୍ଜି ଓ ଟିଟିଲାଗଡ଼ ବନ୍ଦ
କଣ୍ଟାବାଞ୍ଜିକୁ ଜିଲ୍ଲା ମାନ୍ୟତା ଦାବିରେ ବିଭିନ୍ନ ସଂଗଠନ ପକ୍ଷରୁ ଆଜି ବନ୍ଦ ପାଳନ କରାଯାଉଛି । ଯେଉଁଥିରେ ଟିଟିଲାଗଡ, କଣ୍ଟାବାଞ୍ଜି, ସଇଁତଳା, ସିନ୍ଧେକେଲା, ବଙ୍ଗୋମୁଣ୍ଡାରେ ସବୁ ଦୋକାନ ବଜାର ସମେତ ସବୁ ସରକାରୀ ଅନୁଷ୍ଠାନ ସ୍କୁଲ କଲେଜ ସବୁ ବନ୍ଦ ରହିଛି । ଏହାସହ ଗାଡ଼ି ଚଳାଚଳ ମଧ୍ୟ ଠପ୍ ହୋଇଛି । ତେବେ ଆଜି କଣ୍ଟାବାଞ୍ଜି ଠାରେ ଜିଲ୍ଲା ଦାବି କରି ଆସୁଥିବା ସଂଘର୍ଷ ସମିତି ଓ ଅନ୍ୟାନ୍ୟ ସଂଗଠନ ମାନେ ସକାଳୁ ପିକେଟିଂ କରି ସବୁ ବନ୍ଦ କରିଛନ୍ତି । ସେହିପରି ବିଭିନ୍ନ ଛକରେ ଟାୟାର ଜାଲି ରାସ୍ତା ଅବରୋଧ କରିବା ସହ ଧାରଣା ଦେଇଛନ୍ତି ।