ବଲାଙ୍ଗୀର: ରାଜ୍ୟରେ ଥମୁନାହିଁ କୋରୋନା ଆତଙ୍କ । ଦିନକୁ ଦିନ ବଢିବାରେ ଲାଗିଛି ଆକ୍ରାନ୍ତଙ୍କ ସଂଖ୍ୟା । ବଲାଙ୍ଗୀରରେ ଶନିବାର ଆଉ 11 କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଜିଲ୍ଲାରେ ପଜିଟିଭ ମାମଲା 116ରେ ପହଞ୍ଚିଛି ।
ବଲାଙ୍ଗୀରରେ ଆଉ 11 ପଜିଟିଭ ଚିହ୍ନଟ, 116 ଛୁଇଁଲା ଆକ୍ରାନ୍ତ ସଂଖ୍ୟା
ତେବେ ଚିହ୍ନଟ ନୂଆ ଆକ୍ରାନ୍ତଙ୍କ ମଧ୍ୟରୁ ବଲାଙ୍ଗୀର ଆଗଲ ପୁର ବ୍ଲକର ସାଲେନ ଡୁଙ୍ଗୁରି, ତେତେଲ ଖୁଣ୍ଟି ଓ କୁଦାପାଲିରୁ ସାତ ଜଣ ତାମିଲନାଡୁ ଫେରନ୍ତା ହୋଇଥିବା ବେଳେ ବଙ୍ଗୋମୁଣ୍ଡା ବ୍ଲକ ବିରିପାଲିରୁ 2 ଜଣ ମୁମ୍ବାଇ ଫେରନ୍ତା ବୋଲି ଜଣାପଡିଛି । ସେହିପରି ଟିଟିଲାଗଡ଼ ପରସର ଗ୍ରାମ ପଞ୍ଚାୟତରୁ ଜଣେ ଓ ମୁରିବାହାଲ ବ୍ଲକ ବୁଢ଼ୀପଦର ଗ୍ରାମ ପଞ୍ଚାୟତରୁ ଜଣେ ପଜିଟିଭ ଚିହ୍ନଟ ହୋଇଛନ୍ତି । ଏମାନେ ମଧ୍ୟ ମୁମ୍ବାଇ ଫେରନ୍ତା ବୋଲି ଜଣାପଡିଛି ।