ନାଲକୋ ପ୍ଲାଣ୍ଟରେ ଦୁର୍ଘଟଣା: କ୍ରେନରେ ଚାପି ହୋଇ ଶ୍ରମିକଙ୍କ ମୃତ୍ୟୁ

ଅନୁଗୋଳ ନାଲକୋ ସିପିପି ପ୍ଲାଣ୍ଟରେ ଅଘଟଣ । କ୍ରେନରେ ଚାପି ହୋଇ ଜଣେ ଠିକା ଶ୍ରମିକଙ୍କ ମୃତ୍ୟୁ ହେବା ପରେ ଉତ୍ତେଜନା ଦେଖିବାକୁ ମିଳିଛି । ଅଧିକ ପଢନ୍ତୁ

ଅନୁଗୋଳ: ଆଜି(ବୁଧବାର) ଅନୁଗୋଳ ନାଲକୋର CPP ପ୍ଲାଣ୍ଟରେ କ୍ରେନରେ ଚାପିହୋଇ ଠିକା ଶ୍ରମିକଙ୍କ ମୃତ୍ୟୁ ହୋଇଛି । ମୃତ ଶ୍ରମିକ ହେଲେ ଯୁଧିଷ୍ଠିର ସାହୁ । ତାଙ୍କ ଘର ବଅଁରପାଳ ଥାନା ନୂଆ ହତା ଗାଁରେ । ଆଜି ସେ CPP ପ୍ଲାଣ୍ଟର CRS ବିଭାଗରେ କାର୍ଯ୍ୟ କରୁଥିବାବେଳେ ହଠାତ ଓଭରହେଡ କ୍ରେନ ତଳେ ଚାପି ହୋଇଯାଇଥିଲା ।

ତାଙ୍କୁ ଗୁରୁତର ଅବସ୍ଥାରେ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ତାଙ୍କର ମୃତ୍ୟୁ ହୋଇଛି । ବିଭିନ୍ନ ଶ୍ରମିକ ସଂଗଠନ ଓ ପରିବାର ଲୋକେ କ୍ଷତିପୂରଣ ଦାବିରେ ପ୍ଲାଣ୍ଟ ବାହାରେ ବିକ୍ଷୋଭ କରିଥିଲେ । ଯାହାକୁ ନେଇ ଉତ୍ତେଜନା ଦେଖାଦେଇଛି । ଘଟଣାସ୍ଥଳରେ ନାଲକୋ ପୋଲିସ ପହଞ୍ଚି ଲୋକଙ୍କୁ ବୁଝାସୁଝା ଆରମ୍ଭ କରିଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ