ଅନୁଗୋଳ: ଜିଲ୍ଲାରେ ଲକଡାଉନ କେବଳ ନାଁକୁ ମାତ୍ର । ସକାଳ ହେବା କ୍ଷଣି ସହରରେ ବଢୁଛି ଭିଡ । ମନଇଚ୍ଛା ଖୋଲୁଛି ଦୋକାନ । ଯାହା କୋରନା ପାଇଁ ଥିବା କଟକଣାକୁ ଖୋଲାଖୋଲି ଉଲ୍ଲଂଘନ କରୁଛି । ଏଥିପ୍ରତି ନା ପୋଲିସ କି ଜିଲ୍ଲା ପ୍ରସାଶନ କାହାର ବି ନଜର ନାହିଁ ।
ଥରେ ଭଲକରି ଦେଖନ୍ତୁ ଏହି ଚିତ୍ରକୁ । ଏ ହେଉଛି ଅନୁଗୋଳ ସହରର ଲକଡାଉନ ସମୟର ଚିତ୍ର । କେହିବି ଏଠି ଲକଡାଉନକୁ ମାନୁନଥିବା ଦେଖିବାକୁ ମିଳିଛି । ସହରରେ ତାଲାବନ୍ଦ ସାମାନ୍ୟ କୋହଳ ପାଇଁ ପ୍ରଶାସନ ଅନୁମତି ଦେଇଥିବା ବେଳେ ଏହାର ଫାଇଦା ଉଠାଉଛନ୍ତି କିଛି ଲୋକେ । ନା ଅଛି ସାମାଜିକ ଦୂରତା ନା ପିନ୍ଧୁଛନ୍ତି ମାସ୍କ । ଶନିବାର ଏଭଳି ଦୃଶ୍ୟ ଦେଖିବାକୁ ମିଳିଥିଲା ପୂରା ସହରରେ ।
ଅନୁଗୋଳରେ ଲକଡାଉନର ଅସଲ ଚିତ୍ର, ସହର ସାରା ଲୋକଙ୍କ ଭିଡ