ଅନୁଗୋଳ: କୋଭିଡ ଟିକାକରଣକୁ ବିଜେପିର ବିରୋଧ। ଲଗାଯାଇଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୋଷ୍ଟରକୁ ଚିରିଲେ ବିଜେପି କର୍ମୀ । ଅନୁଗୋଳ ଜିଲ୍ଲାରେ ଚାଲିଥିବା କୋଭିଡ ଟୀକାକରଣକୁ ଅନୁଗୋଳ ଜିଲ୍ଲା ବିଜେପି ପକ୍ଷରୁ ବିରୋଧ କରାଯାଇଛି ।
କୋଭିଡ ଟୀକାକରଣକୁ ବିଜେପିର ବିରୋଧ, ଚିରିଲେ ନବୀନଙ୍କ ପୋଷ୍ଟର
ଜିଲ୍ଲାର ଷ୍ଟାଡିୟମ ପଡ଼ିଆରେ ଗତ 15 ଦିନରୁ ଅଧିକ ହେବ ଚାଲିଛି ମେଗା ଟିକାକରଣ କ୍ୟାମ୍ପ । ଯେଉଁଠାରେ ଦୈନିକ ଏକ ହଜାରରୁ ଅଧିକ ଲୋକ ଟିକା ନେଉଛନ୍ତି। ଯାହାକୁ ବିରୋଧ କରି ଆଜି ବିଜେପି ପକ୍ଷରୁ ସେଠାରେ ପ୍ରତିବାଦ କରାଯିବା ସହ ସେଠାରେ ଲାଗିଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପୋଷ୍ଟରକୁ ଚିରି ଦେଇଛନ୍ତି ବିଜେପି କର୍ମୀ । ଅନୁଗୋଳ ଜିଲ୍ଲା ବିଜେପି ସଭାପତି ଡିଲେଶ୍ଵର ପ୍ରଧାନଙ୍କ ନେତୃତ୍ବରେ ଏହି ପ୍ରତିବାଦ କରିବା ସହ ଟିକା କ୍ୟାମ୍ପରେ କାହିଁକି ମୁଖ୍ୟମନ୍ତ୍ରୀଙ୍କ ପୋଷ୍ଟର ଲଗାଯାଇଛି, ତାକୁ ନେଇ ପ୍ରତିବାଦ କରିଛନ୍ତି ।