ଅନୁଗୋଳ: ଜଳବାୟୁରେ ଅସ୍ବଭାବିକ ପରିବର୍ତ୍ତନ । ଦିନର ତାପମାତ୍ରା 40 ଡିଗ୍ରୀ ହେଉଥିବା ବେଳେ ସକାଳେ କୁହୁଡି ଓ ରାତିରେ ଶୀତ। ଯାହାକୁ ନେଇ ଲୋକେ ଚିନ୍ତାରେ । ଅନୁଗୋଳରେ ଦୀର୍ଘ ଦିନର ବ୍ୟବଧାନ ପରେ ଆଜି ପୁଣି କୁହୁଡି ଦେଖିବାକୁ ମିଳିଥିଲା। ସକାଳୁ ପ୍ରାୟ ୮ଟା ପର୍ଯ୍ୟନ୍ତ କୁହୁଡି ଲାଗି ରହିଥିଲା।
ଅସ୍ବଭାବିକ ଜଳବାୟୁ, ଦିନରେ ତାତି ରାତିରେ ଶୀତ
କୁହୁଡି ସାଙ୍ଗକୁ କୋହଲା ପବନ ବହୁଥିଲା। ଫଳରେ ୨-୩ଘଣ୍ଟା ପର୍ଯ୍ୟନ୍ତ ସାଧାରଣ ଜୀବନଯାତ୍ରା ବ୍ୟାହତ ହୋଇଥିଲା। ତେବେ ଗତ ଫେବୃଆରୀ 28 ତାରିଖରେ ଅନୁଗୋଳରେ ତାପମାତ୍ରା 40 ଡିଗ୍ରୀ ପାର ହୋଇ ଯାଇଥିଲା। ବିଗତ 10 ବର୍ଷର ରେକର୍ଡ ଭାଙ୍ଗିଥିଲା। ରାଜ୍ୟର ସବୁଠାରୁ ଅଧିକ ଉତ୍ତପ୍ତ ସହର ପାଲଟି ଯାଇଥିଲା ଅନୁଗୋଳ।