ଅନୁଗୋଳ: ଢେଙ୍କାନାଳ ଜିଲ୍ଲାରେ ଦୁଇଟି ପୃଥକ ସ୍ଥାନରେ ଦୁର୍ଘଟଣା । ଦୁର୍ଘଟଣାରେ ଚାରି ଜଣଙ୍କ ମୃତ୍ୟୁ । ଜିଲ୍ଲା କଣ୍ଟାନାଳୀ ବାଇପାସ ଛକ ନିକଟ 55 ନମ୍ବର ଜାତୀୟ ରାଜପଥରେ ବାଇକକୁ ଟ୍ରକ ଧକ୍କା ଦେବା ଫଳରେ ଦୁଇ ଜଣଙ୍କ ମୃତ୍ୟୁ । ସେପଟେ ଜିଲ୍ଲାର ଭଗବାନପୁର ଅଞ୍ଚଳରେ ଘର ଭିତରେ ବାଲି ବୋଝେଇ ଟ୍ରକ ପଶିବାରୁ ଘଟଣାସ୍ଥଳରେ ଦୁଇ ଜଣଙ୍କ ମୃତ୍ୟୁ ହୋଇଥିବା ସୂଚନା ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ସୂଚନା ଅନୁଯାୟୀ କଣ୍ଟାନାଳୀ ବାଇପାସ ଛକ ନିକଟରେ ବାଇକ ଯୋଗେ ଦୁଇ ଜଣ ଯୁବକ ଯୁବତୀ ଯାଉଥିବାବେଳେ ପଛପଟୁ ଧକ୍କା ଦେବା ଫଳରେ ଘଟଣାସ୍ଥଳରେ ବାଇକ ଚାଳକଙ୍କ ମୃତ୍ୟୁ ହୋଇଥିଲା । ଗୁରୁତର ଅବସ୍ଥାରେ ଯୁବତୀଙ୍କୁ ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବାବେଳେ ସେଠାରେ ତାଙ୍କର ମୃତ୍ୟୁ ହୋଇଥିଲା । ମୃତ ବାଇକ ଚାଳକ ହେଲେ ମଟଙ୍ଗା ଥାନା ଏକଘରିଆ ଗାଁର ଅମରଜିତ ସ୍ୱାଇଁ ଏବଂ ଯୁବତୀ ଜଣକ ହେଲେ ଗଁଦିଆ ଥାନା ରାଧା ଦେଈପୁରର ଇତିଶ୍ରୀ ରାଉତ । ଉଭୟ ଅନୁଗୋଳ ଆଡୁ ଢେଙ୍କାନାଳ ଆଡକୁ ଯାଉଥିବାବେଳେ ଦୁର୍ଘଟଣାଟି ଘଟିଥିଲା ।