ଅନୁଗୋଳ: ପାଲଲହଡାରେ ମର୍ମନ୍ତୁଦ ସଡକ ଦୁର୍ଘଟଣା । 149 ନମ୍ବର ଜାତୀୟ ରାଜପଥରେ ଏକ ଟ୍ରାକ୍ଟରକୁ ଟ୍ରକ ଧକ୍କା ଦେବା ଫଳରେ ଘଟଣାସ୍ଥଳରେ ଟ୍ରାକ୍ଟର ଡ୍ରାଇଭରର ମୃତ୍ୟୁ ହୋଇଥିବା ଜଣାପଡିଛି । ଏହି ଦୁର୍ଘଟଣା ପରେ ଜାତୀୟ ରାଜପଥରେ ଉତ୍ତେଜନା ପ୍ରକାଶ ପାଇବା ସହ ଯାତାୟତ ବାଧାପ୍ରାପ୍ତ ହୋଇଛି ।
ଟ୍ରକ ଧକାରେ ଟ୍ରାକ୍ଟର ଚୁରମାର , ଡ୍ରାଇଭର ମୃତ
ମିଳିଥିବା ସୂଚନା ଅନୁସାରେ ପାଲଲହଡା 149 ନମ୍ବର ଜାତୀୟ ରାଜପଥର ଖେମଳା ଛକରେ ଆଇରନ ବୋଝେଇ ଟ୍ରକ ସହ ଟ୍ରାକ୍ଟର ମୁହାଁମୁହିଁ ଧକ୍କା ହୋଇଥିଲା । ଦୁର୍ଘଟଣାଟି ଏତେ ଭୟଙ୍କର ଥିଲା ଯେ ଟ୍ରାକ୍ଟର ଚୁରମାର ହେବା ସହ ବହୁ ଦୂରକୁ ଛିଟିକି ପଡିଥିଲା। ଦୁର୍ଘଟଣା ସ୍ଥଳରେ ଟ୍ରାକ୍ଟର ଡ୍ରାଇଭର ପ୍ରାଣ ହରାଇଛନ୍ତି । ମୃତ ଡ୍ରାଇଭର ଜଣଙ୍କ ହେଲେ ପାଖ ବାରକୋଟିଆ ଗାଁର ଚରଣ ସାହୁ ବୋଲି ଜଣାପଡିଛି ।