ଅନୁଗୋଳ:ତାଳଚେର ମେଡିକାଲ କଲେଜ କ୍ରିୟାନୁଷ୍ଠାନ କମିଟି ପକ୍ଷରୁ ଆଜି ୧୨ଘଣ୍ଟିଆ ବନ୍ଦ ଡାକରା । ଏଥିସହ ୭୨ଘଣ୍ଟିଆ ଅର୍ଥନୈତିକ ଅବରୋଧ ଡାକରା ଦିଆଯାଇଛି । କ୍ରିୟାନୁଷ୍ଠାନ କମିଟିର କହିବା ଅନୁସାରେ ମେଡିକାଲ କଲେଜ ଚଳାଇବା ପାଇଁ ଏମସିଏଲ ଟଙ୍କା ଦେବାକୁ ରାଜି ହୋଇଥିଲା । ତେବେ ରାଜ୍ୟ ସରକାର ଏହାକୁ ଚଳାଇବେ ବୋଲି ମଧ୍ୟ ଘୋଷଣା କରିଥିଲେ । ହେଲେ ଏହାରି ଭିତରେ ପ୍ରାୟ ଏକମାସ ବିତି ଗଲାଣି । କିନ୍ତୁ ଆଉ କିଛି ଅଗ୍ରଗତି ହେଉ ନାହିଁ କି ଛାତ୍ରଛାତ୍ରୀଙ୍କର ଆଡମିସନ କରାଯାଉ ନାହିଁ ।
ଏଣୁ ଏହାର ପ୍ରତିବାଦ କରିବା ସହ ତୁରନ୍ତ କାର୍ଯ୍ୟକ୍ଷମ କରିବା ଦାବିରେ କ୍ରିୟାନୁଷ୍ଠାନ କମିଟି ଏହି ବନ୍ଦ ଡାକରା ଦେଇଛି ।ଏହି ବନ୍ଦ ଡାକରାକୁ ତାଳଚେରର ବିଭିନ୍ନ ସଙ୍ଘ ପକ୍ଷରୁ ସମର୍ଥନ କରାଯାଇଛି । ତାଳଚେରରେ କେତେକ ସ୍ଥାନରେ ଦୋକାନ ବଜାର ବନ୍ଦ ରହିବା ବେଳେ ଗାଡି ମଟର ଚଳାଚଳ ସ୍ବାଭାବିକ ରହିଛି । ତାଳଚେରରେ କେତକ ସ୍ଥାନରେ ଦୋକାନ ବଜାର ବନ୍ଦ ରହିବା ବେଳେ ଗାଡି ମଟର ଚଳାଚଳ ସ୍ବାଭାବିକ ରହିଛି । ତାଳଚେରର ସମସ୍ତ କୋଇଲାଖଣିରୁ ଉତ୍ତୋଳନ ଓ ପରିବହନ କିଛି ସମୟ ବନ୍ଦ ରହିଥିବା ବେଳେ ଟ୍ରକ ଓ ଟ୍ରେନ ଯୋଗେ କୋଇଲା ପରିବହନ ସ୍ବାଭାବିକ ହେବାରେ ଲାଗିଛି । ତେବେ କୋଇଲା ପରିବହନ ସ୍ବାଭାବିକ କରିବା ପାଇଁ ପୋଲିସ କେତକ ଆନ୍ଦୋଳନକାରୀଙ୍କୁ ଉଠାଇ ଆଣି ଅଟକ ରଖିଛି ।
ଇଟିଭି ଭାରତ, ଅନୁଗୋଳ