ଅନୁଗୋଳ: ଆମ୍ବୁଲାନ୍ସ କାଚ ଭାଙ୍ଗି ଚମ୍ପଟ ମାରିଲେ କୋରୋନା ରୋଗୀ । ଏଭଳି ଘଟଣା ଦେଖିବାକୁ ମିଳିଛି ଅନୁଗୋଳ ଜିଲ୍ଲାରେ । ଜିଲ୍ଲା ସୀମାକୁ ଲାଗି କରିଥିବା ଟାଟା ଷ୍ଟିଲ ବିଏସଏଲର ପରିସରରୁ ଜଣେ କୋଭିଡ ରୋଗୀଙ୍କୁ ଧରି ଏକ ଆମ୍ବୁଲାନ୍ସ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଯାଉଥିଲା । ଡାକ୍ତରଖାନାକୁ ନେବା ବାଟରେ ରୋଗୀ ଜଣକ ଆମ୍ବୁଲାନ୍ସର କାଚ ଭାଙ୍ଗି ଫେରାର ହୋଇଯାଇଥିବା ସୂଚନା ମିଳିଛି । ତେବେ ଫେରାର ଥିବା ରୋଗୀ ଜଣକ କୋରୋନା ପଜିଟିଭ ଥିବା ଜଣାପଡିଛି ।
ଆମ୍ବୁଲାନ୍ସ କାଚ ଭାଙ୍ଗି କୋରୋନା ରୋଗୀ ଫେରାର
ସୂଚନାନୁଯାୟୀ ରୋଗୀ ଜଣକ ପ୍ରଥମେ ଆମ୍ବୁଲାନ୍ସ ଚାଳକଙ୍କ ପଛପଟ କାଚ ଭାଙ୍ଗିଥିଲା ଓ ପରେ ପଛ ଡୋର କାଚ ଭାଙ୍ଗିବା ବେଳେ ଚାଳକ ଜଣକ ସଙ୍ଗେ ସଙ୍ଗେ ଗାଡିଟିକୁ ରାସ୍ତା କଡରେ ଅଟକାଇଥିଲେ । କୁଲାଡ ଗାଁ ନିକଟସ୍ଥ ବ୍ରାହ୍ମଣୀ ଦେବୀ ନିକଟରେ ଗାଡି ରହିବା କ୍ଷଣି ରୋଗୀ ଜଣକ କୁଲାଡ ଗାଁ ଆଡ଼କୁ ଦୌଡ଼ି ପଳାଇଥିବା ନେଇ ସୂଚନା ।