ଅନୁଗୋଳ:ଫୁଲୁଛି ମହାନଦୀ । ହୀରାକୁଦରୁ ଏବେ 28ଟି ଗେଟ ଦେଇ ବନ୍ୟାଜଳ ନିଷ୍କାସନ ହେଉଥିବା ବେଳେ ନଦୀ ଅବବାହିକାରେ ଥିବା ଗାଁ ଲୋକେ ସମ୍ଭାବ୍ୟ ବନ୍ୟା ଆଶଙ୍କାରେ ରହିଛନ୍ତି । ଯଦି ବନ୍ୟା ହୁଏ, ତେବେ ସେମାନେ କ’ଣ କରିବେ ? ଏଭଳି ସ୍ଥିତିରେ ଆଜି ଜିଲ୍ଲା ପ୍ରଶାସନ ପକ୍ଷରୁ ପରିସ୍ଥିତି ଅନୁଧ୍ୟାନ କରାଯାଇଛି ।
ଅନୁଗୋଳରେ ବନ୍ୟା ସ୍ଥିତି ତଦରଖ କଲେ ପ୍ରଶାସନ
ଆଜି ଅନୁଗୋଳ ଟିକର ପଡ଼ାରେ ବନ୍ୟା ସ୍ଥିତି ଅନୁଧ୍ୟାନ କରିଛନ୍ତି ଉପଜିଲ୍ଲାପାଳ ବାସୁଦେବ ଶତପଥୀ। ତାଙ୍କ ସହ ଯୋଗାଣ, ତହସିଲ ଓ ବ୍ଲକ କାର୍ଯ୍ୟାଳୟର ଅଧିକାରୀମାନେ ମଧ୍ୟ ବନ୍ୟା ସ୍ଥିତିର ତଦାରଖ କରିଛନ୍ତି । ସମ୍ଭାବ୍ୟ ବନ୍ୟା ପାଇଁ ସମସ୍ତ ଆନୁସଙ୍ଗିକ ବ୍ୟବସ୍ଥା ଅଛି କି ନାହିଁ, ଯଦି ପାଣି ବଢେ ତେବେ କିଭଳି ଲୋକଙ୍କୁ ସୁରକ୍ଷିତ ସ୍ଥାନକୁ ଆଣି ତାଙ୍କ ପାଇଁ ଖାଦ୍ୟ ସମେତ ଅନ୍ୟାନ୍ୟ ସୁବିଧା ଯୋଗାଇ ଦେଇ ହେବ ତାର ସମୀକ୍ଷା କରିଛନ୍ତି ଉପଜିଲ୍ଲାପାଳ ।