ଅନୁଗୋଳ: ଜିଲ୍ଲା ଛେଣ୍ଡିପଦା ଥାନା କମ୍ପସଲା ଗାଁ ନିକଟରେ ଥିବା ଟିକିରା ନଦୀରେ ମାଛ ଧରିବାକୁ ଯାଇଥିବା ବେଳେ ଘଟିଛି ଏହି ଦୁର୍ଘଟଣା । ଗୁରୁତର ଯୁବକ ଜଣଙ୍କ ହେଲ କମ୍ପସଲା ଗାଁର ପପୁନ ସହୁ । ସୂଚନା ଅନୁଯାୟୀ ପପୁନ ତାର ଅନ୍ୟ ୪ ଜଣ ସାଙ୍ଗ ମାନଙ୍କ ସହିତ ମିଶି ଡିନାମାଇଟ ସହାୟତାରେ ଟିକିରା ନଦୀକୁ ମାଛ ମାରିବାକୁ ଯାଇଥିଲେ । ତେବେ ସେଠାରେ ପପୁନ ହାତରେ ଡିନାମାଇଟ ଧରି ଫୁଟାଉଥିବା ବେଳେ ହଠାତ୍ ଏହା ଫୁଟି ଯାଇଥିଲା । ଯାହାଦ୍ବାରା ସେ ଦୁର୍ଘଟଣାଗ୍ରସ୍ତ ହୋଇଛନ୍ତି ।
ମାଛ ଧରିବା ହେଲା କାଳ , ଯୁବକ ଗୁରୁତର
ଏହି ଦୁର୍ଘଟଣାରେ ପପୁନଙ୍କ ଡାହାଣ ହାତ ପାପୁଲି ଛିଣ୍ଡି ଯାଇଥିବା ବେଳେ, ଡାହାଣ ଆଖିଟି ନଷ୍ଟ ହୋଇ ଯାଇଛି । ଏହା ସହିତ ମୁହଁରେ ଓ ଛାତିରେ ମଧ୍ୟ ଗଭୀର ଆଘାତ ଲାଗିଛି । ଖବର ପାଇ ପରିବାର ଓ ସ୍ଥାନୀୟ ଲୋକମାନେ ଘଟଣା ସ୍ଥଳରୁ ଗୁରୁତର ପପୁନଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ଛେଣ୍ଡିପଦା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ ।