ଚାଷୀର ମନୋବଳ ବଢାଇବାକୁ ଅଖି ମୁଠି ଅନୁକୂଳ କଲେ ବିଧାୟକ

ସାରା ଦେଶ କୋରୋନା ସହ ତାଲା ବନ୍ଦରେ ରହି ଲଢେଇ କରୁଥିବା ବେଳେ ଦେଶକୁ ଖାଦ୍ୟ ଯୋଗାଇବାକୁ ପବିତ୍ର ଅକ୍ଷୟ ତୃତୀୟା ଅବସରରେ ଅଖିମୁଠି ଅନୁକୂଳ କରିଛି ଚାଷୀ । ଏହି ସମୟରେ ଚାଷୀଙ୍କ ମନୋବଳ ବଢାଇବାକୁ ତାଳଚେର ବିଧାୟକ ବିଧି ଅନୁସାରେ ଚାଷ କ୍ଷେତରେ ପୂଜା କରି ଧାନ ବୁଣିବା ସହ ହଳ ମଧ୍ୟ କରିଛନ୍ତି ।

ଅନୁଗୋଳ: ଚାଷୀ ହିଁ ସମ୍ବାଳିବେ ଦେଶର ମେରୁଦଣ୍ଡ । କୋରୋନା ମୁକାବିଲା ପାଇଁ ସମସ୍ତେ ତାଲା ବନ୍ଦୀରେ ରହି ଲଢେଇ ଲଢୁଥିବା ବେଳେ ସମସ୍ତଙ୍କୁ ଖାଦ୍ୟ ଯୋଗାଇବା ଲକ୍ଷ୍ୟରେ ଚାଷୀ । ଏଥିପାଇଁ ରବିବାର ଅକ୍ଷୟ ତୃତୀୟା ଅବସରରେ ବିଭିନ୍ନ ସ୍ଥାନର ଚାଷୀ କରିଛି ବିହନ ଅନୁକୂଳ । ଏହି ଅବସରରେ ଚାଷୀଙ୍କ ମନୋବଳ ଦୃଢ କରିବାକୁ ଅନୁଗୋଳ ଜିଲ୍ଲା ତାଳଚେର ବିଧାୟକ ବ୍ରଜକିଶୋର ପ୍ରଧାନ ଚାଷୀଙ୍କ ସହ ମିଶି ଅଖି ମୁଠି ଅନୁକୂଳ କରିଛନ୍ତି ।

ଚାଷୀର ମନୋବଳ ବଢାଇବାକୁ ଅଖି ମୁଠି ଅନୁକୂଳ କଲେ ବିଧାୟକ

ଚାଷୀର ମନୋବଳ ବଢାଇବାକୁ ଅଖି ମୁଠି ଅନୁକୂଳ କଲେ ବିଧାୟକ

ସାମାଜିକ ଦୂରତା ରଖି ବିଧି ଅନୁସାରେ ଚାଷ କ୍ଷେତରେ ପୂଜା କରି ଧାନ ବୁଣିବା ସହ ହଳ ମଧ୍ୟ କରିଛନ୍ତି ବିଧାୟକ । ତେବେ ସାରା ଦେଶ ଏକ ଘଡି ସନ୍ଧି ମୁହୂର୍ତ୍ତ ଦେଇ ଗତି କରୁଥିବା ବେଳେ ଚାଷୀଙ୍କ ମନୋବଳ ଦୃଢ କରିବାକୁ ସେ ଏହି ପ୍ରୟାସ କରିଛନ୍ତି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ