ଘର ଆଗରେ ମୃତ ଦେହ ରଖି ସାଙ୍ଗ ଫେରାର, ହତ୍ୟା ଅଭିଯୋଗ

ଅନୁଗୋଳ ତାଳଚେର ଅଞ୍ଚଳରେ ଚାଞ୍ଚଲ୍ୟକର ଘଟଣା । ଘର ଆଗରେ ମୃତ ଦେହ ପକାଇ ସାଙ୍ଗ ଫେରାର । ମୃତକଙ୍କ ପରିବାର ଲୋକେ ଆଣିଲେ ହତ୍ୟା ଅଭିଯୋଗ । ଘଟଣା ସ୍ଥଳରେ ପୋଲିସ ପହଞ୍ଚି ମୃତଦେହକ ଜବତ କରି ତଦନ୍ତ ଆରମ୍ଭ କରିଛି । ଅଧିକ ପଢନ୍ତୁ...

ଅନୁଗୋଳ: ଘର ଆଗରେ ମୃତ ଦେହ ପକାଇ ସାଙ୍ଗ ଫେରାର । ସନ୍ଦେହରେ ଯୁବକଙ୍କ ମୃତ୍ୟୁ । ଏଭଳି ଏକ ଅଭାବନୀୟ ଘଟଣା ଘଟିଛି ଅନୁଗୋଳ ଜିଲ୍ଲାର ତାଳଚେର ଅଞ୍ଚଳରେ । ଏହି ଘଟଣାକୁ ନେଇ ମୃତକଙ୍କ ପରିବାର ଲୋକେ ଆଣିଲେ ହତ୍ୟା ଅଭିଯୋଗ ।

ସୂଚନା ଅନୁଯାୟୀ ଅନୁଗୋଳ ଜିଲ୍ଲା ତାଳଚେରର କୋଲିୟରି ଥାନା 14 ନମ୍ବର ୱାର୍ଡ ଦେଉଳବେଡ଼ା ସ୍ଥିତ ରଗୁଡ଼ି ସାହି ଶିବ ମନ୍ଦିର ନିକଟ ରାସ୍ତା ଉପରୁ ଜଣେ ଯୁବକଙ୍କ ମୃତ ଦେହ ଉଦ୍ଧାର କରାଯାଇଛି l ମୃତ ଯୁବକ ଜଣକ ହେଲେ ଉକ୍ତ ସାହିର ଅଜୟ ନାଏକ l ପରିବାର ବର୍ଗଙ୍କ କହିବା ମୁତାବକ ଗତକାଲି ରାତିରୁ ତାଙ୍କ କିଛି ସାଙ୍ଗ ଅଜୟଙ୍କୁ କୌଣସି କାମରେ ଘରୁ ବାହାରକୁ ଡାକି ନେଇଥିଲେ। ଏହା ପରଠାରୁ ସେ ଆଉ ଘରକୁ ଫେରି ନଥିଲେ l ପରିବାର ଲୋକ ବହୁ ଖୋଜାଖୋଜି କରି ମଧ୍ୟ ପାଇ ନଥିଲେ। କିନ୍ତୁ ଗୁରୁବାର ସକାଳେ ଅଜୟଙ୍କ ମୃତଦେହକୁ ଘର ସାମ୍ନାରେ କେହି ଜଣେ ପକାଇ ପଳାଇ ଯାଇଥିଲେ । ଏ ନେଇ ପରିବାର ଲୋକେ ହତ୍ୟା ଅଭିଯୋଗ ଆଣିଥିବା ବେଳେ ମୃତ ଯୁବକଙ୍କ ଜଣେ ସାଙ୍ଗକୁ କୋଲିୟରି ପୋଲିସ ଅଟକ ରଖି ଅଧିକ ତଦନ୍ତ ଆରମ୍ଭ କରିଛି l

ଅନୁଗୋଳରୁ ସଂଗ୍ରାମ ରଞ୍ଜନ ନାଥ,ଇଟିଭି ଭାରତ