ଅନୁଗୋଳ: ଶିକ୍ଷକ ବଦଳିର ପ୍ରତିବାଦରେ ଧାରଣାରେ ବସିଲେ ଅଭିଭାବକ ଓ ଛାତ୍ରଛାତ୍ରୀ । ବିଦ୍ୟାଳୟ ମୁଖ୍ୟ ଫାଟକରେ ତାଲା ପକାଇଛନ୍ତି ଆନ୍ଦୋଳନକାରୀ । ଅନୁଗୋଳ ଜିଲ୍ଲାର ନୂଆସାହି ଉଚ୍ଚ ପ୍ରାଥମିକ ବିଦ୍ୟାଳୟରେ ଆଜି(ମଙ୍ଗଳବାର) ଏଭଳି ସ୍ଥିତି ଦେଖିବାକୁ ମିଳିଛି । ତାଲା ପକାଇ ଆନ୍ଦୋଳନ କରିଛନ୍ତି ଛାତ୍ରଛାତ୍ରୀ ଓ ଅଭିଭାବକ । ବିଦ୍ୟାଳୟର ଏକମାତ୍ର ବିଜ୍ଞାନ ଶିକ୍ଷକ ବିଜୟ ସାମଲଙ୍କୁ ଅନ୍ୟତ୍ର ବଦଳି କରାଯାଇଛି । ଏହାକୁ ନେଇ ପ୍ରତିବାଦ କରିଛନ୍ତି ଅଭିଭାବକ ।
ବିଦ୍ୟାଳୟର ଏକମାତ୍ର ଶିକ୍ଷକଙ୍କୁ ଅନ୍ୟତ୍ର ବଦଳି କଲେ ସ୍କୁଲରେ ଶିକ୍ଷାଦାନରେ ବାଧା ଉପୁଜିବ । ପିଲାମାନେ ବିଜ୍ଞାନ ଓ ଗଣିତ ଶିକ୍ଷାଦାନରୁ ବଞ୍ଚିତ ହେବେ ଯାହାକୁ ନେଇ ଅଭିଭାବକ ଓ ଛାତ୍ରଛାତ୍ରୀଙ୍କ ମଧ୍ୟରେ ଅସନ୍ତୋଷ ଦେଖା ଦେଇଛି । ବିଦ୍ୟାଳୟରେ ତାଲା ଯୋଗୁଁ ଶିକ୍ଷାନୁଷ୍ଠାନ ବନ୍ଦ ରହିବା ସହ ଶିକ୍ଷକ ଶିକ୍ଷୟିତ୍ରୀମାନେ ମଧ୍ୟ ବିଦ୍ୟାଳୟକୁ ଯାଇପାରି ନାହାନ୍ତି । ଅଞ୍ଚଳରେ ଶିକ୍ଷକଙ୍କ ବଦଳି ନେଇ ଉତ୍ତେଜନା ଦେଖାଦେଇଛି ।