ଅନୁଗୋଳ: କୁହାଯାଏ ଗୁରୁ ଶିଷ୍ୟ ସମ୍ପର୍କ ସବୁଠୁ ଉଚ୍ଚରେ । ଏଭଳି ସମ୍ପର୍କ ଆଉ କେଉଁଠି ନାହିଁ । ଆଉ ତାହା ଅନେକ ସମୟରେ ପ୍ରମାଣିତ ମଧ୍ୟ ହୋଇ ଆସୁଛି । ସମସ୍ତେ ଜାଣିଥିବେ ଏକଲବ୍ୟଙ୍କ କଥା ସେ ଏଭଳି ଜଣେ ଶିଷ୍ୟ ଥିଲେ ଯିଏ ତାଙ୍କ ଗୁରୁ ଦ୍ରୋଣାଚାର୍ଯ୍ୟଙ୍କୁ ଦକ୍ଷିଣା ରୂପେ ତାଙ୍କ ଆଙ୍ଗୁଠି ଦାନ କରିଥିଲେ । ବର୍ତ୍ତମାନ ଆଉ ଏକ ନିଆରା ଦୃଶ୍ୟ ଦେଖିବାକୁ ମିଳିଛି ଅନୁଗୋଳରେ ।
ନିଆରା ଗୁରୁ-ଶିଷ୍ୟ ସଂପର୍କ, ଗୁରୁଙ୍କ ଭାର ଧରି ଢେଙ୍କାନାଳ ରୁ ନବରଙ୍ଗପୁର ଯାତ୍ରା
ଢେଙ୍କାନାଳ ଯୋରନ୍ଦାର ଅଲେଖବାବା ସୁଦୂର ନବରଙ୍ଗପୁରକୁ ଯାତ୍ରା ଆରମ୍ଭ କରିଛନ୍ତି । ସେପୁଣି କୌଣସି ଗାଡି ସାହାଯ୍ୟରେ ନୁହେଁ । ଗୁରୁ ଧନୁର୍ଜୟ ବାବାଙ୍କୁ ତାଙ୍କ ଶିଷ୍ୟମନେ କାନ୍ଧରେ କାନ୍ଧେଇ ନେଉଛନ୍ତି । ଢେଙ୍କାନାଳରୁ ନବରଙ୍ଗପୁର ପ୍ରାୟ ୪୯୮ କିମି ରାସ୍ତା । ଯାହା ଅତିକ୍ରମ କରିବାକୁ ପାଖାପାଖି ୩୦ଦିନ ଲାଗିବ। ଗ୍ରୀଷ୍ମର ଖରାରେ ପୁଣି ଖାଲି ପାଜରେ ଗୁରୁଙ୍କୁ ଶିଷ୍ୟ ମାନେ କାନ୍ଧରେ ବୋହିନେଉଛନ୍ତି ।